టాలీవుడ్ స్టార్ హీరోయిన్ సమంత (Samantha) ఏడాది పాటు షూటింగ్ లకు బ్రేక్ ఇచ్చినా మళ్లీ షూటింగ్ లతో బిజీ అవుతున్నారు. వ్యక్తిగత జీవితానికి సంబంధించిన విషయాల ద్వారా వార్తల్లో నిలిచిన సమంత సిటాడెల్ : హనీ బన్నీ టీజర్ రిలీజ్ సందర్భంగా చేసిన కామెంట్స్ ప్రస్తుతం సోషల్ మీడియా వేదికగా తెగ వైరల్ అవుతున్నాయి. సిటాడెల్ షూట్ చక్కగా పూర్తి చేశామని 12 నిమిషాల యాక్షన్ సీన్ ను సింగిల్ టేక్ లో పూర్తి చేశానని సామ్ తెలిపారు.
సిటాడెల్ ను ప్రేక్షకులకు చూపించేందుకు ఏడాది నుంచి ఎదురుచూస్తున్నామని ఆమె అన్నారు. యాక్షన్ ప్రియులకు సిటాడెల్ తప్పకుండా నచ్చుతుందని సామ్ చెప్పుకొచ్చారు. వరుణ్ ధావన్ తో (Varun Dhawan) కలిసి వర్క్ చేయడం చాలా ఆనందంగా ఉందని సమంత అన్నారు. వరుణ్ ధావన్ వర్క్ విషయంలో అంకిత భావంతో ఉంటాడని ఆమె కామెంట్లు చేయడం గమనార్హం. వరుణ్ ధావన్ మంచి మనస్సు ఉన్న వ్యక్తి అని సమంత వెల్లడించారు.
పర్సనల్ లైఫ్ లో క్లిష్ట సమయాలను ఎలా ఎదుర్కొన్నారనే ప్రశ్నకు సామ్ స్పందిస్తూ కొన్నిసార్లు నేను చేతులెత్తేస్తానని అయితే అక్కడితో కథ ముగిసిపోయినట్లు కాదని నేను తిరిగి పైకి లేస్తానని సమంత పేర్కొన్నారు. సమంత చెప్పిన విషయాలు ప్రస్తుతం సోషల్ మీడియా వేదికగా వైరల్ అవుతున్నాయి. సిటాడెల్ : హనీ బన్నీని ప్రేక్షకులకు చూపించేందుకు చాలా కాలం నుంచి ఎదురుచూస్తున్నానని వరుణ్ ధావన్ అన్నారు.
ఎట్టకేలకు సిటాడెల్ ప్రేక్షకుల ముందుకు వస్తున్నందుకు ఎంతో ఆనందంగా ఉందని వరుణ్ ధావన్ తెలిపారు. వరుణ్ ధావన్, సమంత సిటాడెల్ తో ఎలాంటి ఫలితాన్ని అందుకుంటారో చూడాల్సి ఉంది. నవంబర్ నెల 7వ తేదీన సిటాడెల్ అమెజాన్ ప్రైమ్ ఓటీటీలో స్ట్రీమింగ్ కానుంది. సమంతకు కెరీర్ పరంగా మరిన్ని భారీ విజయాలు దక్కాలని ఫ్యాన్స్ ఫీలవుతున్నారు.
