బ్రేకప్‌ తర్వాత… సమంత సినిమాల జోరు పెంచిందని మనం ఇప్పటికే చాలాసార్లు చెప్పుకున్నాం. ఈ క్రమంలో సామ్‌ మరో సినిమాకు ఓకే చెప్పింది అని టాక్‌. తనకు ‘ఓ బేబీ’ లాంటి మంచి హిట్‌ ఇచ్చిన నందిని రెడ్డితో ఈ సినిమా చేస్తోందట. ఇప్పుడు టాలీవుడ్‌లో ఈ సినిమా గురించే చర్చ నడుస్తోంది. ఎందుకంటే ఈ సినిమా థ్రిల్లర్‌ జోనర్‌లో ఉండబోతోందట. గతంలో సమంత ఈ జోనర్‌లో చేసిన సినిమా ‘యూ టర్న్‌’ ఆశించిన మేర విజయం అందించలేదనే విషయం తెలిసిందే.
ఇటీవల కాలంలో సమంత సినిమాల ఎంపిక విషయంలో కొత్తగా ఆలోచిస్తోంది. పూర్తి కమర్షియల్‌ సినిమాలకే తన ఓటు అనేలా కాకుండా… అన్ని రకాల సినిమాలు తన కిట్టీలో ఉండేలా చూసుకుంటోంది. మొన్నీ మధ్య ‘పుష్ప’రాజ్‌తో కలసి ‘ఉ అంటావా.. ఊఊ అంటావా…’ అంటూ షేక్‌ చేసిన సామ్‌, అంతకుముందు ‘శాకుంతలం’లో శకుంతలగా అదరగొట్టింది. ఆ సినిమా ఇప్పుడు పోస్ట్‌ ప్రొడక్షన్‌ పనులు జరుపుకుంటోంది. త్వరలో సినిమా విడుదలపై పూర్తి క్లారిటీ వచ్చే అవకాశం ఉంది. ఇక ఈ సినిమా కాకుండా మరో సినిమాలు ఓకే చేసింది సమంత.
శివలెంక కృష్ణప్రసాద్‌ నిర్మాణంలో ‘యశోద’ అనే బైలింగ్వుల్‌ సినిమాలో నటిస్తోంది సమంత. ఈ సినిమా తొలి షెడ్యూల్‌ షూటింగ్‌లో ఇటీవల పూర్తయింది. హరీశ్‌, హరి దర్శకత్వం వహిస్తున్నారు. వీలైనంత త్వరగా ఈ సినిమాను పూర్తి చేసి త్వరలో విడుదల చేస్తారట.ఈ సినిమా తర్వాతే నందిని రెడ్డి సినిమా ఉంటుందని టాక్‌. ‘ఓ బేబీ’ సినిమాతో ఇద్దరి మధ్య స్నేహ బంధం ఏర్పడింది. దాంతోనే సమంత… నందినికి ఛాన్స్‌ ఇచ్చిందని టాక్‌. అయితే ఈ సినిమాలో కొరియన్‌ మూవీకి రీమేక్‌ అని తెలుస్తోంది. దీనిపై త్వరలోనే క్లారిటీ వస్తుంది.
ఇక సమంత న్యూ ఇయర్‌ సెలబ్రేషన్స్‌ ఇప్పటికే మొదలయ్యాయి. సమంత సోషల్‌ మీడియా పోస్టులు చూస్తే ఈ విషయం మనకు బాగా అర్థమైపోతుంది. స్నేహితురాళ్లతో గోవా వెళ్లిన సామ్‌… హాట్ ఫొటోలతో సోషల్‌ మీడియాను నింపేస్తోంది. కాచుకోండి అందాల విందు అనేలా బికినీ ఫొటోలతో యువతను కట్టి పడేస్తోంది.
Most Recommended Video
83 సినిమా రివ్యూ & రేటింగ్!
వామ్మో.. తమన్నా ఇన్ని సినిమాల్ని మిస్ చేసుకుండా..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
Home