Samantha: వాళ్లు సర్వనాశనం కావడం ఖాయమంటున్న సమంత!

October 3, 2021 / 04:16 PM ISTByFilmy Focus

Join Us

Samantha: వాళ్లు సర్వనాశనం కావడం ఖాయమంటున్న సమంత!

స్టార్ హీరోయిన్ సమంత ఇతర హీరోయిన్లకు భిన్నమనే సంగతి తెలిసిందే. సమంత తన మనస్సులోని భావాలను సోషల్ మీడియాలోని పోస్టుల ద్వారానే చెప్పే ప్రయత్నం చేస్తుంటారు. విడాకుల తర్వాత సమంత సోషల్ మీడియాలో పోస్ట్ పెట్టగా ఆ పోస్ట్ గురించి నెటిజన్లు చర్చించుకుంటున్నారు. నిస్పృహలో, బాధలో ఉన్న సమయంలో తనకు ఒక విషయం అర్థమైందని సమంత పోస్ట్ లో పేర్కొన్నారు. ప్రేమ అనేది చివరకు గెలుస్తుందని అనేది చారిత్రక సత్యమని ఆమె చెప్పుకొచ్చారు.

కొందరు నియంతలు, హంతకులు, ద్రోహులు, దుర్మార్గులు అని కనపడకుండా కుట్ర చేసే విషయంలో నిపుణులని సమంత పేర్కొన్నారు. అలా ఉండేవాళ్లు సర్వనాశనం కావడం ఖాయమని సమంత అన్నారు. ఇదే తనకు చరిత్ర చెప్పిన నిజం అని అమ్మ చెప్పిన నిజం కూడా ఇదేనని సమంత చెప్పుకొచ్చారు. ఎవరిని ఉద్దేశించి సమంత ఈ స్టోరీ రాశారనే విషయం తెలియదు. విడాకుల తర్వాత సమంత చేసిన ఈ పోస్ట్ సంచలనమైంది. విడాకుల గురించి అధికారిక ప్రకటన రావడంతో సమంత ఇకపై ఏ విధంగా ముందుకెళతారో చూడాల్సి ఉంది.

సమంత బాలీవుడ్ కు షిఫ్ట్ అవుతారని వార్తలు ప్రచారంలోకి వస్తుండగా సమంత త్వరలో తన కెరీర్ కు సంబంధించి క్లారిటీ ఇచ్చే అవకాశాలు అయితే ఉన్నాయి. కొన్ని నెలలు బ్రేక్ తీసుకుని సమంత కొత్త సినిమాలకు గ్రీన్ సిగ్నల్ ఇవ్వనున్నారని తెలుస్తోంది. సమంత నటిస్తున్న శాకుంతలం రిలీజ్ డేట్ కు సంబంధించిన ప్రకటన రావాల్సి ఉంది.