టాలీవుడ్ స్టార్ హీరోయిన్ సమంత ప్రస్తుతం ఖుషి సినిమా షూటింగ్ పనులను పూర్తి చేసుకున్నారని తెలుస్తుంది. అదే విధంగా ఈమె సిటాడెల్ వెబ్ సిరీస్ లో కూడా నటిస్తున్నారు. ఈ వెబ్ సిరీస్ షూటింగ్ కూడా పూర్తి కావచ్చిందని తెలుస్తుంది. ఈ విధంగా సమంత తన సినిమా ప్రాజెక్టులన్నింటినీ పూర్తి చేసుకుని ఇండస్ట్రీకి ఏడాది పాటు విరామం ఇవ్వబోతున్నాను అంటూ సోషల్ మీడియా వేదికగా ప్రకటించిన సంగతి మనకు తెలిసిందే.
ఈ విధంగా సమంత (Samantha) ఏడాది పాటు ఇండస్ట్రీకి బ్రేక్ ఇవ్వబోతున్నారనే విషయం తెలియడంతో చాలామంది ఎన్నో సందేహాలను వ్యక్తం చేశారు. గతంలో మయోసైటిసిస్ బారిన పడిన సమంత కొంతకాలం పాటు ఇండస్ట్రీకి దూరంగా ఉండి కోలుకొని తిరిగి సినిమా షూటింగ్ పనులలో బిజీ అయ్యారు. అయితే ప్రస్తుతం ఈ వ్యాధి తనకు పూర్తిగా నయం కాలేదని మరోసారి ఈ వ్యాధి బారిన పడటంతోనే ఈమె లాంగ్ బ్రేక్ తీసుకొని పూర్తిగా ఆరోగ్యంగా తిరిగి రావాలని నిర్ణయించుకున్నట్టు తెలుస్తుంది.
ఈ క్రమంలోనే కొద్దిరోజుల పాటు అమెరికాలోనే ఉంటూ ఈ వ్యాధికి చికిత్స తీసుకోవాలని సమంత భావించారు. అయితే తాజాగా ఈమె ఇంస్టాగ్రామ్ స్టోరీ ద్వారా చేసినటువంటి పోస్టులు ప్రస్తుతం సోషల్ మీడియాలో వైరల్ అవుతున్నాయి. ఇందులో భాగంగా ఒక పోస్టులో మరో మూడు రోజుల్లో కారవాన్ లైఫ్ మొదలవ్వబోతుంది అంటూ చెప్పుకొచ్చారు.
మరో స్టోరీలో తన ఫోటోని షేర్ చేస్తూ.. చాలా కష్టమైన ఎక్కువ రోజులు ఈ ఆరు నెలలు, ఎలాగైనా దీనికి ముగింపు పలకాలని పోస్ట్ చేసింది. దీంతో ఎంత కష్టమైనా ఈసారి మాత్రం మయోసైటిస్ కి ముగింపు పలకాలని సమంత నిర్ణయించుకున్నారని అందుకే ఇలాంటి పోస్టులు చేశారని పలువురు భావిస్తున్నారు.ఇలా చికిత్స కోసం అమెరికాకు వెళ్తున్నటువంటి సమంత తొందరగా ఈ వ్యాధి నుంచి కోలుకోవాలని అభిమానులు ఆకాంక్షిస్తున్నారు.
రంగబలి సినిమా రివ్యూ & రేటింగ్!
రుద్రంగి సినిమా రివ్యూ & రేటింగ్!
18 స్టార్ హీరోయిన్ల చిన్ననాటి రేర్‌ ఫోటోలు వైరల్!
Home