సమంత ఇలా జవాబిస్తుందని ఎవ్వరూ ఊహించరు

నాగ చైతన్యతో సమంత పెళ్ళయ్యి రెండు సంవత్సరాలకు దగ్గర పడుతుంది. పెళ్ళయ్యాక కూడా వరుస సినిమాలు చేస్తూ యమ బిజీగా గడుపుతుంది. అంతేకాదు పెళ్ళయ్యాక కదా ప్రాధాన్యత ఉన్న స్క్రిప్టులు ఎంచుకుంటూ రావడంతో ఆమె క్రేజ్ మరింత పెరిగింది. అయితే సమంత, చైతన్య సినిమాల ప్రమోషన్లలో పదే పదే ఫ్రెగ్నెన్సీ ఎప్పుడు? అనే ప్రశ్న ఎదురవుతుంది. ఇదే ప్రశ్న పదే పదే అడిగితే విసిగిపోయి ఏ సెలబ్రిటీ అయినా మండిపడుతుంటారు. ఇప్పుడు సమంతకు ‘ఓ బేబీ’ ప్రమోషన్లో మరోసారి ఈ ప్రశ్న ఎదురైంది.

దీనికి సమంత ఆశ్చర్యకరమైన సమాధానమిచ్చింది. సమంత మాట్లాడుతూ… “ఆ ప్రశ్న అడగడం తప్పేమీ కాదు. అదేమీ క్రిటిసిజం కూడా కాదు. నేను కూడా ఫ్రెండును కలిస్తే పిల్లల్ని ఎప్పుడు ప్లాన్ చేస్తున్నావ్ ? అని అడుగుతాను. అలా అడగడం తప్పని నేను అనుకోను. భగవంతుడి దయ వల్ల నేను చాలా స్వతంత్రంగా ఉండగలుగుతున్నా. నాకు ఈ ఏడాది పిల్లలు వద్దని చెప్పగలుగుతున్నా. అప్పట్లో బేబీని కనకపోతే `ఎందుకు` అని అడిగేవారు. కానీ ఇప్పుడు అలా కాదు. ఈ రోజుల్లో అమ్మాయిలు యాంబిషన్స్ కోసం కొన్ని వాయిదా వేస్తున్నారు. ‘అమ్మతనం’ అంటే సెల్ఫ్ లెస్! ఎక్కడైనా.. నాన్న జాబ్ చేస్తూ ఫ్యామిలీని చూసుకుంటారు అంటారు. కానీ గృహిణిగా ఉన్న అమ్మ ఇల్లు చూసుకుంటోంది అనరు కదా? అమ్మ అంటే అదే.. సెల్ఫ్ లెస్ అని నా అభిప్రాయం. మా అమ్మ కూడా పిల్లలు హ్యాపీగా ఉంటే చాల అని అనేది. ఎలాంటి స్వార్థం లేకుండా ఉండేది అమ్మ” అంటూ చెప్పుకొచ్చింది.