Shaakuntalam Movie: అందరినీ షాక్ కి గురి చేసిన సమంత!

అక్కినేని సమంత ఇటీవల యు టర్న్, ఓ బేబీ సినిమాలతో సూపర్ హిట్స్ కొట్టగా ఆ తరువాత శర్వానంద్ తో చేసిన జాను మూవీ పర్వాలేదనిపించింది. అలానే కొద్దిరోజుల క్రితం ఫస్ట్ టైం ఆమె నటించిన ఫ్యామిలీ మ్యాన్ వెబ్ సిరీస్ కి కూడా అందరి నుండి మంచి రెస్పాన్స్ వచ్చింది. ఇక ప్రస్తుతం ఆమె తెలుగులో చేస్తున్న భారీ సినిమా శాకుంతలం. ప్రముఖ దర్శకుడు గుణశేఖర్ తీస్తున్న ఈ సినిమాని దిల్ రాజు, గుణశేఖర్ కలిసి సంయుక్తంగా గుణా టీమ్ వర్క్స్, శ్రీ వెంకటేశ్వర క్రియేషన్స్ బ్యానర్స్ పై ఎంతో గ్రాండ్ గా నిర్మిస్తున్నారు.

మలయాళ నటుడు దేవ్ మోహన్ దుశ్యంతుడిగా నటిస్తున్న ఈ సినిమాలో శకుంతల రోల్ చేస్తున్నారు సమంత. ఇతర పాత్రల్లో అదితి బాలన్, మోహన్ బాబు, వర్షిణి తదితరులు నటిస్తుండగా యువరాణి భరత పాత్రలో అల్లు అర్జున్ తనయ అల్లు అర్హ కనిపించనున్నారు. మణిశర్మ సంగీతం అందిస్తున్న ఈ సినిమాకి సంబంధించి ప్రస్తుతం వార్ సీన్స్ ని హైదరాబాద్ లో ప్రత్యేకంగా వేసిన సెట్ లో ఎంతో భారీ స్థాయిలో చిత్రీకరిస్తోంది యూనిట్.

దీనికి సంబంధించి కొద్దిసేపటి క్రితం ఒక చిన్న వీడియో బైట్ ని రిలీజ్ చేసారు. మైథలాజికల్ డ్రామా మూవీగా ఆకట్టుకునే కథ, కథనాలతో భారీ విజువల్ ఎఫెక్ట్స్ తో ఈ సినిమా రూపొందుతోంది. కాగా ఈ సినిమాలోని కొన్ని సీన్స్ లో సమంత యాక్టింగ్ కి టీమ్ మొత్తం షాక్ అయిందని, అంతలా ఆమె ఆకట్టుకునే విధంగా పెర్ఫార్మన్స్ చేసారని సమాచారం. గతంలో అనుష్క ప్రధాన పాత్రలో గుణశేఖర్ తీసిన రుద్రమదేవి సినిమా మంచి సక్సెస్ కొట్టిన విషయం తెల్సిందే. మరి త్వరలో ప్రేక్షకుల ముందుకు రానున్న ఈ శాకుంతలం సినిమా ఏ రేంజ్ లో సక్సెస్ కొడుతుందో చూడాలి.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!