Samantha: అక్కినేని పార్టీలో సమంత మళ్ళీ మిస్?

September 25, 2021 / 04:57 PM ISTByFilmy Focus

Join Us

Samantha: అక్కినేని పార్టీలో సమంత మళ్ళీ మిస్?

అక్కినేని కుటుంబంలో చాలా రోజుల తర్వాత ఒక మంచి సక్సెస్ వాతావరణం కనిపించింది. మొత్తానికి నాగచైతన్య అనుకున్నట్లుగానే లవ్ స్టోరీ సినిమాతో భారీ విజయాన్ని సొంతం చేసుకున్నాడు. శేఖర్ కమ్ముల దర్శకత్వంలో తెరకెక్కిన ఈ సినిమాలో సాయి పల్లవి హీరోయిన్ గా నటించిన విషయం తెలిసిందే. ఇక ఈ సినిమా విజయం సాధించిన సందర్భంగా అక్కినేని కుటుంబంలో ప్రత్యేకంగా పార్టీ నిర్వహించబడింది.

ఆ పార్టీలో బాలీవుడ్ హీరో అమీర్ ఖాన్ తో పాటు దర్శకుడు శేఖర్ కమ్ముల సాయిపల్లవి అక్కినేని నాగార్జున అఖిల్ అలాగే మరికొంత మంది కుటుంబ సభ్యులు కూడా పాల్గొన్నారు. అయితే అందరూ కనిపించారు కాని ఈ పార్టీలో సమంత మిస్ అయినట్లు తెలుస్తోంది. సోషల్ మీడియాలో రిలీజ్ అయిన ఫోటోలలో ఎక్కడా కూడా కనిపించకపోవడంతో మరిన్ని అనుమానాలు మొదలయ్యాయి. గత కొంత కాలంగా చై శామ్ మధ్య దూరం పెరుగుతుందనే కథనాలు వెలువడుతున్నాయి.

ఇక ఇప్పుడు లవ్ స్టోరీ సినిమా హడావుడిలో కూడా పెద్దగా కనిపించడం లేదు. అక్కినేని కుటుంబంలో ఎలాంటి సినిమా విడుదలైన కూడా తనదైన శైలిలో ప్రమోషన్ బిజీగా కనిపించే సమంత ఈసారి లవ్ స్టొరీ సినిమాపై పెద్దగా స్పందించ లేదు. ఇక ఇప్పుడు పార్టీలో కూడా పాల్గొనకపోవడంతో ప్రస్తుతం వినిపిస్తున్న కథనాల ప్రకారం నాగచైతన్య సమంత దూరమవుతున్నారు అనే ఊహాగానాలు మరింత ఎక్కువవుతాయి.