Samantha: జోరు పెంచిన సమంత.. ఒకేసారి మూడు సినిమాలు!

October 8, 2021 / 11:57 AM ISTByFilmy Focus

Join Us

Samantha: జోరు పెంచిన సమంత.. ఒకేసారి మూడు సినిమాలు!

అక్కినేని నాగచైతన్య-సమంత తమ వివాహ బంధాన్ని తెగదెంపులు చేసుకుంటున్నట్లు ప్రకటించిన సంగతి తెలిసిందే. ఈ విషయంతో ఓ పక్క అభిమానులు, మరోపక్క టాలీవుడ్ ఒక్కసారిగా షాక్ కి గురైంది. అయితే చైతుతో విడిపోయిన తరువాత సమంత తన కెరీర్ ను ఎలా ప్లాన్ చేసుకుంటుందనే విషయం ఆసక్తికరంగా మారింది. ఇప్పటికే గుణశేఖర్ దర్శకత్వంలో ‘శాకుంతలం’ సినిమాను పూర్తి చేసింది ఈ బ్యూటీ. అలానే ఓ కొత్త దర్శకుడితో శివలెంక కృష్ణప్రసాద్ నిర్మాతగా ఓ సినిమా చేయబోతున్నట్లు వార్తలు వచ్చాయి.

ఇదొక లేడీ ఓరియెంటెడ్ సినిమా అని తెలుస్తోంది. అందుతున్న సమాచారం ప్రకారం.. సమంత ఒకేసారి మూడు ప్రాజెక్ట్ లను ప్రకటించే ఆలోచనలో ఉన్నట్లు తెలుస్తోంది. ఈ వారంలో లేదా వచ్చే వారంలో ఈ ప్రకటన బయటకు వచ్చే అవకాశం ఉందని తెలుస్తోంది. అయితే ఈ మూడు ప్రాజెక్ట్ లలో ఎన్ని తెలుగు సినిమాలో ఇంకా తెలియడం లేదు. ప్రస్తుతానికైతే ఒక తెలుగు సినిమాని కన్ఫర్మ్ చేసింది. మిగిలిన రెండు వేరే భాషల ప్రాజెక్ట్ లా అనేది తెలియరాలేదు.

నిజానికి చాలా మంది నిర్మాతలు సమంతతో సినిమాలు చేయాలని అనుకుంటున్నారు. కానీ అక్కినేని ఫ్యామిలీ కావడంతో కొన్ని ప్రాజెక్ట్ లు ఆమెకి అఫర్ చేయడానికి ముందుకు రాలేదు. ఇప్పుడు ఆ ట్యాగ్ కి సామ్ దూరం కావడంతో నిర్మాతలు ఆమెని ధైర్యంగా సంప్రదిస్తున్నారు.