స్టార్ హీరోయిన్ సమంత పేరు కొన్ని రోజులుగా వార్తల్లో నానుతూనే ఉంది. తన భర్త నాగచైతన్యతో ఆమె విడాకులు తీసుకుంటుందని అనౌన్స్మెంట్ రాగానే టాలీవుడ్ ఒక్కసారిగా షాకైంది. అభిమానులంతా ఏం జరుగుతుందో అర్ధంకాక సోషల్ మీడియా వేదికగా చై-సామ్ లను నిలదీస్తున్నారు. ఈ విషయంపై చాలా మంది సెలబ్రిటీలు స్పందించారు. కొందరు సమంతకు మద్దతుగా నిలవగా.. మరికొందరు చైతుని సపోర్ట్ చేస్తూ మాట్లాడుతున్నారు. ఇదిలా ఉండగా.. ఇప్పుడు సమంత కెరీర్ పరంగా చాలా బిజీ అవ్వాలని నిర్ణయించుకుంది.
ఈ క్రమంలో వరుస ప్రాజెక్ట్ లకు గ్రీన్ సిగ్నల్ ఇస్తోంది. రీసెంట్ గా ఓ కొత్త దర్శకుడు చెప్పిన లేడీ ఓరియెంటెడ్ కథలో నటించడానికి అంగీకరించింది. ఈ సినిమాను శివలెంక కృష్ణప్రసాద్ నిర్మించబోతున్నారు. గతంలో ఎన్నో హిట్ సినిమాలను నిర్మించిన ఈయన ఈ మధ్యకాలంలో ‘జెంటిల్మెన్’, ‘సమ్మోహనం’ వంటి సినిమాలను నిర్మించారు. ఇప్పుడు సమంత లాంటి స్టార్ హీరోయిన్ తో సినిమా చేయబోతున్నారు.దీనికోసం సామ్ కి అక్షరాలా రూ.3.50 కోట్లను రెమ్యునరేషన్ గా ఇవ్వనున్నారట.
దీన్నిబట్టి సమంత క్రేజ్ ఎంతమాత్రం తగ్గలేదనిపిస్తోంది. ఇటీవలే ఈ బ్యూటీ గుణశేఖర్ దర్శకత్వంలో ‘శాకుంతలం’ సినిమాను పూర్తి చేసింది. ప్రస్తుతం తమిళంలో విజయ్ సేతుపతి హీరోగా తెరకెక్కుతోన్న ‘కాతు వాకుల రెండు కాదల్’ అనే సినిమాలో నటిస్తోంది.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
Home