Sameera Reddy: బుల్లితెర షో బిగ్ బాస్ షోలో సమీరా రెడ్డి కనిపించనున్నారట.. కానీ?

టాలీవుడ్ ఇండస్ట్రీలో తక్కువ సినిమాలే చేసినా ఊహించని స్థాయిలో క్రేజ్ కలిగి ఉన్న హీరోయిన్లలో సమీరారెడ్డి (Sameera Reddy) ఒకరు. చిరంజీవి (Chiranjeevi) , జూనియర్ ఎన్టీఆర్ (Jr NTR) కు జోడీగా నటించిన ఈ బ్యూటీ సరైన సక్సెస్ లేకపోవడంతో తర్వాత రోజుల్లో కెరీర్ పరంగా ఇబ్బందులను ఎదుర్కొన్నారు. అయితే చాలా కాలం తర్వాత సమీరా రెడ్డి గురించి ఒక వార్త సోషల్ మీడియా వేదికగా తెగ వైరల్ అవుతుండటం గమనార్హం. బుల్లితెర రియాలిటీ షో బిగ్ బాస్ షోలో సమీరా రెడ్డి కనిపించనున్నారని వైరల్ అవుతున్న వార్త సారాంశం.

Sameera Reddy

అయితే సమీరారెడ్డి కనిపించేది తెలుగు బిగ్ బాస్ షోలో కాదని హిందీ బిగ్ బాస్ షోలో ఆమె కనిపించనున్నారని తెలుస్తోంది. హిందీ బిగ్ బాస్ షో మొదలు కావడానికి మరో రెండు నెలల సమయం పడుతుందని భోగట్టా. బిగ్ బాస్ హిందీ సీజన్ 18 కోసం బుల్లితెర అభిమానులు సైతం ఆసక్తిగా ఎదురుచూస్తున్నారు. సమీరా రెడ్డికి బిగ్ బాస్ ఆఫర్ రావడం ఇదే తొలిసారి కాదని భోగట్టా.

గతంలో కూడా ఆమెకు బిగ్ బాస్ ఆఫర్ వచ్చిందని అయితే కొన్ని కారణాల వల్ల ఆ సమయంలో ఆ ఆఫర్ ను వదులుకున్నారని తెలుస్తోంది. అయితే మారిన పరిస్థితుల దృష్ట్యా ఇప్పుడు మాత్రం సమీరారెడ్డి పక్కాగా బిగ్ బాస్ హౌస్ లోకి ఎంట్రీ ఇవ్వనున్నారని సమాచారం అందుతోంది. సమీరా రెడ్డి బిగ్ బాస్ షోలోకి వెళ్తే రాబోయే రోజుల్లో ఆమె కెరీర్ మరింత పుంజుకునే ఛాన్స్ ఉంది.

సమీరా రెడ్డి సినిమాలకు దూరంగా ఉన్నా ఆమెకు క్రేజ్ అంతకంతకూ పెరుగుతోందే తప్ప తగ్గడం లేదు. సమీరా రెడ్డికి బిగ్ బాస్ షో కోసం భారీ రెమ్యునరేషన్ ఆఫర్ చేశారని సమాచారం అందుతోంది. సమీరా రెడ్డి వయస్సు 45 సంవత్సరాలు కాగా న్యాచురల్ లుక్ లో కనిపించడానికి ఆమె ఎంతగానో ఇష్టపడుతున్నారు.

మహేష్ మంచితనం గురించి చెప్పిన నటుడు చిన్నా.. ఏం జరిగిందంటే?