బిగ్బాస్ రియాలిటీ షోలో హీరో సంపూర్ణేష్ బాబు చివరి వరకు ఉండి టైటిల్ గెలుచుకుంటారని చాలామంది అనుకున్నారు. కానీ హోమ్ సిక్ తో మానసిక వేదన అనుభవించిన సంపూ.. స్వతహాగా హౌస్ నుంచి బయటికి వచ్చారు. దీనిపై సోషల్ మీడియాలో విమర్శలు వెళ్లువెత్తాయి. ఈ నేపథ్యంలో సంపూ తన ఫేస్బుక్ పేజీలో వివరణ ఇచ్చారు. బిగ్బాస్ షోలో నిరాశ పరిచినందుకు అభిమానులకు క్షమాపణలు చెప్పారు. ” నా పిరికితనం వల్లో, మరో కారణం చేతనో బయటికి రాలేదు. ఒక రూమ్ లో బాధించబడినప్పుడు, ఒక రకమైన రుగ్మత “క్లాస్త్రోఫోబియా” కారణం చేత న సహజ స్థితిని కోల్పోయాను. అందువల్ల ఆర్థికంగా, చట్టపరంగా చర్యలు ఉంటాయని తెలిసినా.. బిగ్ బాస్ నుంచి వెనక్కి వచ్చాను.
ఇది కేవలం పిరికితనం తో చేసిందిగా భావించి, నేను నటించే నా వృత్తికి లింక్ పెట్టటం చాలా బాధ కలిగింది.” అంటూ తన మనసులోని మాటలను బహిరంగ లేఖ రూపంలో రాశారు. మానసిక సంఘర్షణకు గురైనప్పుడు తనను భుజం తట్టిన జూనియర్ ఎన్టీఆరే రియల్ బిగ్బాస్ అని పేర్కొన్నారు. “బిగ్బాస్ షో నుంచి తప్పుకున్నందుకు తనపై 15 లక్షల జరిమానా వేశారని, తాను ఆత్మహత్యయత్నం చేశానని రూమర్లు వచ్చాయి… అందులో ఎలాంటి నిజం లేదని స్పష్టం చేశారు.
Also, do SUBSCRIBE to our YouTube channel to get latest Tollywood updates.
