హృదయ కాలేయం సినిమా ద్వారా హీరోగా ఇండస్ట్రీకి పరిచయమయ్యారు నటుడు సంపూర్ణేష్ బాబు. మొదటి సినిమాతోనే తన కామెడీతో అందరినీ ఎంతగానో ఆకట్టుకున్నటువంటి సినిమాలలో నటించారు అయితే ఉన్నఫలంగా ఈయన సినిమా ఇండస్ట్రీకి దూరంగా ఉన్నారు. ఇలా సంపూర్ణేష్ బాబు సినిమాలకు దూరం కావడంతో ఈయన గురించి ఎన్నో రకాల వార్తలు సోషల్ మీడియాలో వైరల్ అయ్యాయి.సంపూర్ణేష్ బాబు ఇండస్ట్రీలో హీరోగా కొనసాగడం ఇష్టం లేనటువంటి కొందరు ఆయనకు అవకాశాలు లేకుండా చేస్తున్నారు అంటూ కూడా ఒకానొక సందర్భంలో వార్తలు వచ్చాయి.
అలాగే ఈయన అనారోగ్య సమస్యలతో బాధపడుతున్నారని అందుకే ఎలాంటి సినిమాలలో నటించలేదు అంటూ కూడా వార్తలు వచ్చాయి. ఇలా తన కెరియర్ గురించి ఎన్నో రకాల వార్తలు వస్తున్నటువంటి తరుణంలో ఈయన తాజాగా ఈ వార్తలపై స్పందించారు.
సంపూర్ణేష్ బాబు త్వరలోనే మార్టిన్ లూథర్ కింగ్ సినిమా ద్వారా ప్రేక్షకుల ముందుకు రాబోతున్నారు. ఈ సినిమా అక్టోబర్ 27వ తేదీ విడుదల కాబోతుంది. ఈ క్రమంలోనే సినిమా ప్రమోషన్ కార్యక్రమాలలో పాల్గొన్నారు. ఈ సినిమా ప్రమోషన్లలో భాగంగా ఈయనకు ఇవే ప్రశ్నలే ఎదురయ్యాయి. మీరు ఇన్ని రోజులు ఇండస్ట్రీకి దూరంగా ఉండడానికి కారణం మిమ్మల్ని ఇండస్ట్రీలో తొక్కేసే ప్రయత్నం చేశారంటూ వార్తలు వచ్చాయి. ఇందులో ఎంతవరకు నిజం అనే ప్రశ్నించారు.
ఈ ప్రశ్నలకు సంపూర్ణేష్ బాబు స్పందిస్తు నన్ను ఎవరు తొక్కేసే ప్రయత్నం చేయలేదని అలాగే నేను చాలా ఆరోగ్యంగా కూడా ఉన్నానని తెలిపారు. అనారోగ్య సమస్యలతో బాధపడుతున్నాను అంటూ వస్తున్నటువంటి వార్తలలో నిజం లేదని ఈయన తెలిపారు. ఇక తాను మార్టిన్ లూథర్ కింగ్ సినిమాతో పాటు మరో రెండు సినిమాలలో కూడా నటిస్తున్నానని మరో రెండు నెలల వ్యవధిలో ఈ రెండు సినిమాలు కూడా విడుదల కాబోతున్నాయి అంటూ సంపూర్ణేష్ బాబు ఈ సందర్భంగా చేసిన కామెంట్స్ వైరల్ అవుతున్నాయి.
భగవంత్ కేసరి సినిమా రివ్యూ & రేటింగ్!
లియో సినిమా రివ్యూ & రేటింగ్!
టైగర్ నాగేశ్వరరావు సినిమా రివ్యూ & రేటింగ్!
