అర్జున్ రెడ్డి సినిమా సక్సెస్ తో ఓవర్ నైట్ లో సందీప్ రెడ్డి వంగా పాపులర్ అయ్యారు. ఈ డైరెక్టర్ ను అభిమానించే ఫ్యాన్స్ సంఖ్య సైతం ఊహించని స్థాయిలో ఉంది. యానిమల్ సినిమా ప్రమోషన్స్ లో భాగంగా సందీప్ రెడ్డి వంగా అర్జున్ రెడ్డి సినిమాకు ముందు ఎదురైన అవమానాలకు సంబంధించి షాకింగ్ విషయాలను వెల్లడించారు. యానిమల్ సినిమాలో రణ్ బీర్ కపూర్ హీరోగా నటించగా ఇప్పటికే రిలీజైన ట్రైలర్ కు పాజిటివ్ రెస్పాన్స్ వచ్చింది.
యానిమల్ తెలుగు రాష్ట్రాల హక్కులు సైతం రికార్డ్ రేటుకు అమ్ముడయ్యాయని ఇండస్ట్రీ వర్గాల్లో వినిపిస్తోంది. ఈ సినిమాతో సందీప్ రెడ్డి వంగా అర్జున్ రెడ్డి సినిమాను మించిన సక్సెస్ ను సాధించడంతో పాటు అన్ని వర్గాల ప్రేక్షకులను మెప్పించి మరో బ్లాక్ బస్టర్ హిట్ ను సొంతం చేసుకుంటారని అభిమానులు ఫీలవుతున్నారు. వైల్డ్ యాక్షన్ ఎంటర్టైనర్ గా తెరకెక్కిన ఈ సినిమా ఐదు భాషల్లో రిలీజ్ కానుంది.
ఈ సినిమా ప్రమోషన్స్ లో భాగంగా సందీప్ (Sandeep Reddy Vanga) మాట్లాడుతూ తాను తెలంగాణ బిడ్డనని అటు ఏడు తరాలు ఇటు ఏడు తరాలు కూడా తెలంగాణనే అని అన్నారు. ఫోటోగ్రఫీ, పెయింటింగ్ చాలా ఇష్టమని ఆయన తెలిపారు. అర్జున్ రెడ్డి కథ ఎవరికి చెప్పినా అర్థం కాలేదని మూడు కోట్ల రూపాయల బడ్జెట్ తో ఈ సినిమా మొదలుపెట్టామని సందీప్ కామెంట్లు చేశారు. అర్జున్ రెడ్డి రోజులు తలచుకుంటే భయమేస్తోందని ఆయన తెలిపారు.
అర్జున్ రెడ్డి సినిమా రిలీజ్ అవుతుందనుకుంటున్నావా అని కామెంట్ చేసిన వాళ్లు సైతం ఉన్నారని సందీప్ రెడ్డి వంగా కామెంట్లు చేశారు. ఆంధ్రా తెలుగు రాదు కదా.. డైలాగ్స్ ఎలా రాస్తావని కొంతమంది కామెంట్లు చేశారని ఆయన అన్నారు. ఎన్నో ఆవాంతరాలను, అవరోధాలను దాటుకుని విడుదలైన అర్జున్ రెడ్డి అప్పట్లో సంచలనం సృష్టించింది. పాజిటివ్ రివ్యూలు రావడంతో ఈ సినిమా రికార్డ్ స్థాయిలో కలెక్షన్లను సాధించింది.
ఆదికేశవ్ సినిమా రివ్యూ & రేటింగ్!
కోట బొమ్మాళీ పి.ఎస్ సినిమా రివ్యూ & రేటింగ్!
సౌండ్ పార్టీ సినిమా రివ్యూ & రేటింగ్!
