సందీప్ రెడ్డి వంగా… ఇప్పుడు దేశ సినిమా పరిశ్రమ ఈ దర్శకుడి గురించే మాట్లాడుతోంది. ఎవరేమనుకుంటారో అనే భయం లేకుండా సినిమాలు చేస్తారని తొలి సినిమా ‘అర్జున్ రెడ్డి’తోనే పేరు తెచ్చుకున్న ఆయన మూడో సినిమాగా ‘యానిమల్’ తెరకెక్కించి ఆ పేరును ఇంకాస్త స్ట్రాంగ్ చేసుకున్నారు. దీంతో ఆయన తర్వాతి సినిమాలు ఏంటి అనే చర్చ మొదలైంది. దీనికి సమాధానం చాలామంది స్టార్ హీరోల పేర్లు వినిపిస్తున్నా… ఆయన నోట మాత్రం కొత్త పేరు వచ్చింది.
సందీప్ రెడ్డి వంగా టాలీవుడ్లో చేసింది ఒక్క సినిమానే. కానీ ఆ సినిమాతో బలమైన ముద్ర వేశారు. అదే ఆయన్ను బాలీవుడ్కి తీసుకెళ్లింది కూడా. ‘యానిమల్’ సినిమా రిలీజ్కు ముందే బలమైన హిట్ వైబ్స్ సంపాదించింది అంటే ఆయన టేకింగ్ మీద ఉన్న నమ్మకమే కారణం. దీంతో నెక్స్ట్ ఏంటి అనే ప్రశ్న వినిపిస్తోంది. అయితే ఈ ప్రశ్నకు ఇన్స్టంట్ ఆన్సర్ ఉంది జనాల దగ్గర అదే ప్రభాస్ ‘స్పిరిట్’.
దీంతో ఆ తర్వాత ఏంటి అనే చర్చ ప్రారంభించారు. ఈ నేపథ్యంలో అసలు టాలీవుడ్లో కానీ, బాలీవుడ్లో కానీ సందీప్ రెడ్డి ఏ సినిమాలు చూచాయగా ఓకే చేశారు అనే ప్రశ్న వచ్చింది. దీనికి వరుస సినిమాలు కనిపిస్తున్నాయి. అయితే వాటికి తాజాగా చిరంజీవి పేరు కూడా యాడ్ అయ్యింది. అయితే ఈ పేరు పుకారు కాదు, సందీప్ రెడ్డి వంగా (Sandeep Reddy Vanga) నోటి వెంటే వచ్చింది. ఇప్పుడు ఆ వ్యాఖ్యలు వైరల్గా మారాయి.
చిరంజీవితో సినిమా చేయాలని ఉంది. అవకాశం వస్తే తప్పకుండా చిరంజీవితో ఓ యాక్షన్ డ్రామా తీస్తా అని సందీప్ చెప్పారు. ఇక అంతకుముందు మాటల ప్రకారం ఆయన ఇప్పటికే మహేష్తో ఓ సినిమాకు ఫిక్స్ అయ్యారు. అలాగే అల్లు అర్జున్ కూడా ఓ సినిమా చేయాలి. ఇవి కాకుండా ‘యానిమల్’ సీక్వెల్ ‘యానిమల్ పార్క్’ ఉంది. చూడాలి మరి ఈ సినిమాల్లో ఏది ముందు, ఏది వెనుక అనేది.
హాయ్ నాన్న సినిమా రివ్యూ & రేటింగ్!!
‘ఎక్స్ట్రా ఆర్డినరీ మెన్’ సినిమా రివ్యూ & రేటింగ్!
టాలీవుడ్ స్టార్ హీరోయిన్స్ లో దాగున్న టాలెంట్స్ ఏంటో తెలిస్తే షాక్ అవ్వాల్సిందే..!
