Sandeep Reddy Vanga: సీనియర్ యాక్టర్ కు షాకిచ్చిన సందీప్ రెడ్డి.. ఏం జరిగిందంటే?

టాలీవుడ్ ఇండస్ట్రీలోని ప్రముఖ దర్శకులలో ఒకరైన సందీప్ రెడ్డి వంగా (Sandeep Reddy Vanga) అర్జున్ రెడ్డి (Arjun Reddy) , కబీర్ సింగ్, యానిమల్ (Animal) సినిమాలతో భారీ విజయాలను సొంతం చేసుకున్నారు. ఈ సినిమాలు నిర్మాతలకు సైతం మంచి లాభాలను అందించాయి. సందీప్ రెడ్డి వంగా సినిమాలు ఇతర దర్శకుల సినిమాలకు భిన్నంగా ఉంటాయి. ఈతరం యూత్ ను ప్రధానంగా టార్గెట్ చేసేలా ఈ సినిమాలు ఉంటాయనే సంగతి తెలిసిందే. ఎవరైనా తన గురించి కానీ, తన సినిమా గురించి కానీ నెగిటివ్ గా కామెంట్ చేస్తే కౌంటర్ ఇచ్చే విషయంలో సందీప్ రెడ్డి వంగా ముందువరసలో ఉంటారు.

కబీర్ సింగ్ సినిమాలో కాలేజ్ డీన్ రోల్ లో నటించిన అదిల్ హుస్సేన్ ఆ సినిమాలో నటించి తప్పు చేశానని ఆ సినిమాను చూడలేక మధ్యలోనే వచ్చేశానని చేసిన కామెంట్లు నెట్టింట వైరల్ అయ్యాయి. ఆ కామెంట్లకు సందీప్ కౌంటర్ ఇస్తూ మీరు గొప్పగా భావించి చేసిన 30 సినిమాలలో రాని గుర్తింపు కబీర్ సింగ్ సినిమాలో నటించడం ద్వారా సొంతం చేసుకున్నారని ఆయన అన్నారు.

కబీర్ సింగ్ సినిమాలో మిమ్మల్ని తీసుకున్నందుకు నేను బాధ పడుతున్నానని ఇకపై మీరు సిగ్గు పడాల్సిన అవసరం లేదని సినిమాలో మీ ముఖాన్ని ఏఐ సహాయంతో మార్చేస్తానని సందీప్ రెడ్డి వంగా పేర్కొన్నారు. అప్పుడు మీరు హాయిగా నవ్వుకోవచ్చని ఆయన వెల్లడించారు. సందీప్ రెడ్డి వంగా కామెంట్ల గురించి అదిల్ హుస్సేన్ ఏ విధంగా రియాక్ట్ అవుతారో చూడాల్సి ఉంది.

ఈ మధ్య కాలంలో సందీప్ రెడ్డి వంగా సినిమాలపై విమర్శలు చేయడం ఫ్యాషన్ అయిపోయిందని సినిమా నచ్చితే చూడాలని నచ్చకపోతే చూడవద్దని ఆయన అభిమానులు కామెంట్లు చేస్తున్నారు. యానిమల్ సినిమా విషయంలో వచ్చిన విమర్శల గురించి సందీప్ రెడ్డి వంగా అభిమానులు ఈ విధంగా కామెంట్లు చేస్తున్నారు. అనవసరంగా సందీప్ ను టార్గెట్ చేయవద్దని ఆయన ఫ్యాన్స్ అభిప్రాయపడుతున్నారు.