Saranya Pradeep: ఆ యూట్యూబ్ ఛానెల్స్ పై శరణ్య ప్రదీప్ ఫైర్.. ఏం జరిగిందంటే?

ఫిదా (Fidaa) సినిమాతో తెలుగు ప్రేక్షకులకు దగ్గరైన నటీమణులలో శరణ్య ప్రదీప్ (Saranya Pradeep) ఒకరు. ఫిదా తర్వాత వరుస సినిమాలతో బిజీ అవుతున్న ఈ బ్యూటీ అంబాజీపేట మ్యారేజ్ బ్యాండ్ (Ambajipeta Marriage Band) సినిమాలో అద్భుతమైన నటనతో ప్రేక్షకుల ప్రశంసలు అందుకున్నారు. ఈ సినిమాలో శరణ్య ప్రదీప్ ప్రియుడి పాత్రలో (Pushpa) పుష్ప ఫేమ్ (Jagadeesh Prathap Bandari) జగదీష్ నటించారు. జగదీష్ ఒక కేసులో అరెస్ట్ అయ్యి బెయిల్ పై విడుదలైన సంగతి తెలిసిందే. జగదీష్ కేసు గురించి శరణ్య ప్రదీప్ స్పందిస్తూ ఆ కేసులో ఏం జరిగిందో నాకు తెలియదని అన్నారు.

అలాంటి సమయంలో మాట్లాడటం కూడా కరెక్ట్ కాదని ఆమె చెప్పుకొచ్చారు. పాన్ ఇండియా స్థాయిలో గుర్తింపును సొంతం చేసుకున్న జగదీష్ ఇలాంటి కేసులో చిక్కుకోవడం బాధాకరం అని ఆమె వెల్లడించారు. అయితే మూవీ సెట్ లో మాత్రం జగదీష్ అందరితో చాలా బాగా ఉండేవాడని శరణ్య ప్రదీప్ కామెంట్లు చేశారు.

నాతో పాటు అందరినీ కూడా చాలా గౌరవంగా పలకరించేవాడని నాకు తెలిసినంత వరకు అతడి క్యారెక్టర్ లో ఎలాంటి తేడా లేదని కానీ జగదీష్ కేసు విషయంలో ఏం జరిగిందో మనం చూడలేదు కాబట్టి ఆ కేసు గురించి ఎలాంటి కామెంట్లు చేయడం సరికాదని ఆమె వెల్లడించారు. అంబాజీపేట మ్యారేజ్ బ్యాండ్ లో వివస్త్రను చేసే సీన్ ను భర్త సపోర్ట్ తో చేశానని ఆమె పేర్కొన్నారు.

ఆ వీడియో గురించి కొన్ని యూట్యూబ్ ఛానల్స్ ఇష్టానుసారం థంబ్ నెయిల్స్ పెట్టారని శరణ్య ప్రదీప్ కామెంట్లు చేశారు. ఆ వీడియోలకు స్ట్రైక్స్ కొట్టినా లాభం లేకుండా పోయిందని శరణ్య ప్రదీప్ వెల్లడించారు. శరణ్య ప్రదీప్ కు మంచి ఆఫర్లు వస్తే ఆమె కెరీర్ మరింత పుంజుకునే అవకాశాలు అయితే ఉంటాయి. శరణ్య ప్రదీప్ ను అభిమానించే వాళ్ల సంఖ్య అంతకంతకూ పెరుగుతోంది.

గామి సినిమా రివ్యూ & రేటింగ్!

భీమా సినిమా రివ్యూ & రేటింగ్!
వళరి సినిమా రివ్యూ & రేటింగ్!