Sarathkumar: వరలక్ష్మి శరత్ కుమార్ పెళ్లి ఖర్చు రూ.200 కోట్లా.. తండ్రి రియాక్షన్ ఇదే!

టాలీవుడ్ ఇండస్ట్రీలో వరలక్ష్మీ శరత్ కుమార్ కు (Varalaxmi Sarathkumar)  మంచి గుర్తింపు ఉంది. వరలక్ష్మీ శరత్ కుమార్ నటిస్తే సినిమా హిట్ అని చాలామంది భావిస్తారు. విలన్ రోల్స్ లో, నెగిటివ్ షేడ్స్ లో ఉన్న పాత్రలలో ఆమె ఎక్కువగా నటించినా తన నటనతో ఆమె తన పాత్రలకు ప్రాణం పోశారు. వరలక్ష్మీ శరత్ కుమార్ పెళ్లికి ఏకంగా 200 కోట్ల రూపాయలు ఖర్చు అయిందని సోషల్ మీడియా వేదికగా వార్తలు ప్రచారంలోకి వచ్చాయి.

ఈ నెల 2వ తేదీన థాయిలాండ్ వేదికగా వరలక్ష్మి, నికోలయ్ సచ్ దేవ్ వివాహం అంగరంగ వైభవంగా జరిగింది. అయితే ఈ పెళ్లి కోసం ఏకంగా 200 కోట్ల రూపాయలు ఖర్చు అయిందని వార్తలు వినిపిస్తున్నాయి. నికోలాయ్ సచ్ దేవ్ కు ముంబైలో ఏకంగా 900 కోట్ల రూపాయల ఆస్తులు ఉన్న నేపథ్యంలో ఈ తరహా ప్రచారం జరిగింది. నికోలాయ్ సచ్ దేవ్ కు ఈ వివాదం రెండో వివాహం అనే సంగతి తెలిసిందే.

నికోలాయ్ వరలక్ష్మికి బంగారు చెప్పులు, డైమండ్ చీర బహుమతులుగా ఇచ్చారంటూ సోషల్ మీడియా వేదికగా ప్రచారం జరుగుతోంది. అయితే వైరల్ అవుతున్న వార్తల గురించి వరలక్ష్మీ శరత్ కుమార్ (Sarathkumar) తండ్రి క్లారిటీ ఇచ్చారు. వైరల్ అవుతున్న వార్తలన్నీ అవాస్తవాలని అందులో ఎలాంటి నిజం లేదని ఆయన పేర్కొన్నారు. 200 కోట్ల రూపాయల డబ్బు ఎక్కడుందో నాకు తెలియదని వెల్లడించారు.

తప్పుడు సమాచారాన్ని ప్రచారం చేస్తున్నారని ఆయన అన్నారు. చాలా సాధారణంగానే నా కూతురు పెళ్లి జరిగిందని ఏమీ తెలియకుండా ఊహించుకుని వార్తలు ప్రచారం చేయవద్దని శరత్ కుమార్ కోరారు. శరత్ కుమార్ రియాక్షన్ తో వైరల్ వార్తలు ఆగిపోతాయేమో చూడాల్సి ఉంది. టాలీవుడ్ సినిమాలకు వరలక్ష్మీ శరత్ కుమార్ ఒకింత భారీ స్థాయిలో పారితోషికం అందుకుంటున్నారు.