Pawan Kalyan,Sekhar Kammula : శేఖర్ కమ్ముల తన ఫేవరెట్ హీరోని డైరెక్ట్ చేసే ఛాన్సట ..!
June 12, 2021 / 03:44 PM IST
|Follow Us
గతంలో ఓ ఇంటర్వ్యూలో పాల్గొన్న దర్శకుడు శేఖర్ కమ్ములకి.. ‘మీకు అవకాశం వస్తే ఏ స్టార్ హీరోని డైరెక్ట్ చేయాలనుకుంటున్నారు?’ అనే ప్రశ్న ఎదురైంది. రాంచరణ్, ఎన్టీఆర్, మహేష్ బాబు వంటి స్టార్ హీరోల పేర్లను ఆప్షన్ గా ఇచ్చారు యాంకర్. అయితే ‘వాళ్ళెవరూ కాదు అండి.. పవన్ కళ్యాణ్ గారు’ అంటూ శేఖర్ కమ్ముల జవాబిచ్చాడు. తన మొదటి సినిమా టైం నుండీ పవన్ కళ్యాణ్ తో ఎప్పటికైనా సినిమా చేయాలనేది డ్రీం శేఖర్ కమ్ముల డ్రీం.
ఈ విషయాన్ని పలు సందర్భాల్లో చెప్పుకొచ్చాడు. నిజానికి ‘లీడర్’ సబ్జెక్టుని పవన్ కళ్యాణ్ ను దృష్టిలో పెట్టుకునే రాసుకున్నాడు. ఇటీవల ఓ సందర్భంలో శేఖర్ కమ్ముల ఆ విషయాన్ని చెప్పుకొచ్చాడు. కానీ ఇప్పటి వరకు పవన్ కళ్యాణ్ ను డైరెక్ట్ చేసే అవకాశం అతనికి రాలేదు. అయితే త్వరలోనే అతని కోరిక తీరే అవకాశం కనిపిస్తుంది. పవన్ కళ్యాణ్ కూడా శేఖర్ కమ్ములతో సినిమా చేయాలని భావిస్తున్నాడట. ఇటీవల ఓ మంచి కథ ఉంటే చెప్పమని శేఖర్ కమ్ములకు చెప్పాడట పవన్ కళ్యాణ్. అతనికి అత్యంత సన్నిహితుడు నిర్మాణంలో ఈ చిత్రాన్ని చేయాలని పవన్ కళ్యాణ్ భావిస్తున్నట్టు సమాచారం.
దీంతో శేఖర్.. పవన్ ఇమేజ్ కు సరిపడే స్క్రిప్ట్ ను రెడీ చేసే పనిలో పడ్డాడట. తెలంగాణ బ్యాక్ డ్రాప్ లో అతను గతంలో అనుకున్న ఓ లైన్ ను ఇప్పుడు డెవలప్ చేసే పనిలో పడ్డాడట.ఒక్కసారి స్క్రిప్ట్ ఒకే అయితే.. ఈ ప్రాజెక్టుకు సంబంధించిన అనౌన్స్మెంట్ వచ్చే అవకాశం ఉంది.