సినీ పరిశ్రమలో తీవ్ర విషాదం.. సినిమా రిలీజ్ రోజే ప్రముఖ సీనియర్ యాక్టర్ మృతి!

సినీ ఇండస్ట్రీలో విషాదం నెలకొంది. బాలీవుడ్ కి చెందిన సీనియర్ నటుడు అరుణ్ బాలి కన్నుమూశారు. ఆయన వయసు 79 సంవత్సరాలు. గత కొంతకాలంగా ఆయన అనారోగ్య సమస్యలతో ఇబ్బంది పడుతున్నారు. శుక్రవారం ఉదయం నాలుగున్నర గంటలకు ఆయన మరణించారు. ఈ విషయాన్ని ఆయన కుటుంబ సభ్యులు వెల్లడించారు. 1942లో పంజాబ్‌లోని జ‌లంధ‌ర్‌లో అరుణ్ బాలి జ‌న్మించారు.త్రీ ఇడియ‌ట్స్‌, పానిప‌ట్‌, పీకే, ఎయిర్ లిఫ్ట్‌, కేదార్‌నాథ్ ఇలా చాలా సినిమాల్లో ఆయన నటించారు.

రీసెంట్ గా ఆమిర్ ఖాన్ ‘లాల్ సింగ్ చద్దా’ సినిమాలో కనిపించారు. ఆయన చివరిగా నటించిన చిత్రం ‘గుడ్ బై’. అమితాబ్ బచ్చన్, రష్మిక ప్రధాన పాత్రలు పోషించిన ఈ సినిమా మరికొన్ని రోజుల్లో ప్రేక్షకుల ముందుకు రానుంది. సినిమాలతో పాటు చాలా సీరియల్స్, టీవీ షోలలో కూడా ఆయన కనిపించారు. తన కెరీర్ లో సినిమా ఇండస్ట్రీకి ఎన్నో సేవలందించారు. కొన్నేళ్లుగా మైస్తేనియా గ్రావిస్ అనే న‌రాల‌కు సంబంధించిన వ్యాధితో ఆయన బాధ పడుతున్నారు.

రీసెంట్ గా ఆయన ఆరోగ్యం దెబ్బ తినడంతో హాస్పిటల్ లో జాయిన్ చేసి ట్రీట్మెంట్ అందించారు. పరిస్థితి చేదాటిపోవడంతో ఆయన ఈరోజు తెల్లవారుజామున చనిపోయారు. ఆయన మృతిపై సినీ సెలబ్రిటీలు సంతాపం వ్యక్తం చేస్తున్నారు.

గాడ్ ఫాదర్ సినిమా రివ్యూ & రేటింగ్!

Most Recommended Video

ది ఘోస్ట్ సినిమా రివ్యూ & రేటింగ్!
‘బిగ్ బాస్ 6’ కపుల్ కంటెస్టెంట్స్ రోహిత్ అండ్ మెరీనా గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!