ఈ జెనరేషన్ నటుల్లో ఎన్టీఆర్ కి ఉన్న క్రేజ్ గురించి తెలిసిందే. ప్రేక్షకుల్లోనే కాకుండా సెలబ్రిటీల్లో చాలా మంది తారక్ నటనని ఇష్టపడతారు. ఖుష్బూ లాంటి సీనియర్లు కూడా ఎన్టీఆర్ ని ప్రశంసల్లో ముంచెత్తిన సందర్భాలు ఉన్నాయి. తాజాగా మరో సీనియర్ నటి ఎన్టీఆర్ పై పొగడ్తల వర్షం కురిపించింది. ఎనభైల్లో ‘నిరీక్షణ’ అనే సినిమాతో మంచి గుర్తింపు తెచ్చుకున్న నటి అర్చన.. సుదీర్ఘ విరామం తరువాత ఓ టీవీ షోలో కనిపించింది. ఈ సందర్భంగా తెలుగు సినిమాల గురించి మాట్లాడింది.
ఈ మధ్య కాలంలో రిలీజైన ‘మహానటి’, ‘జనతా గ్యారేజ్’ సినిమాల గురించి ఆమె మాట్లాడింది. ‘మహానటి’ సినిమా తనకు చాలా నచ్చిందని.. అందులో కీర్తి సురేష్ చాలా బాగా నటించిందని చెప్పిన అర్చన.. అలానే ‘జనతా గ్యారేజ్’ సినిమా కూడా తనకు బాగా నచ్చిందని చెప్పింది. ఇక ఎన్టీఆర్ నటన గురించి మాట్లాడుతూ ‘జనతా గ్యారేజ్’లో అతడి పెర్ఫార్మన్స్ అదిరిపోయిందని చెప్పింది. మోహన్ లాల్ లాంటి లెజండరీ నటుడు ఉండగా.. ఆయన ముందు పెర్ఫార్మ్ చేయడం చిన్న విషయం కాదని అర్చన చెప్పింది.
మోహన్ లాల్ కు ఇవ్వాల్సిన స్పేస్ ఇస్తూ.. తన స్పేస్ ని తాను తీసుకుంటూ తారక్ అద్భుతంగా నటించాడని.. మోహన్ లాల్ ని మ్యాచ్ చేస్తూ ఎన్టీఆర్ నటించడం గొప్ప విషయమని అన్నారు. ‘జనతా గ్యారేజ్’ సినిమా కూడా వేరే లెవెల్ లో ఉందని చెప్పుకొచ్చింది. ఇన్నేళ్ల తరువాత టీవీ షోలో పాల్గొన్న అర్చన తారక్ గురించి ఇలా గొప్పగా మాట్లాడడం అభిమానులకు ఆనందాన్ని కలిగిస్తోంది.
Most Recommended Video
ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!
