Mohan Babu: మోహన్ బాబు అప్పుడు గన్నుతో వచ్చాడు!

October 19, 2021 / 04:00 PM ISTByFilmy Focus

Join Us

Mohan Babu: మోహన్ బాబు అప్పుడు గన్నుతో వచ్చాడు!

ఇటీవల మా ఎన్నికలలో మోహన్ బాబు కొంతమంది సినీ ఆర్టిస్ట్ ల పై తీవ్రస్థాయిలో ఆగ్రహం వ్యక్తం చేసిన విషయం తెలిసిందే. ముఖ్యంగా సీనియర్ నటుడు బెనర్జీపై చంపేస్తాను అంటూ ఒక్కసారిగా కోపానికి రావడంతో ఆ వార్త అందరినీ ఆశ్చర్యానికి గురిచేసింది. అయితే మోహన్ బాబు గొడవలు చేయడం ఇది మొదటిసారి కాదు అంటూ సీనియర్ జర్నలిస్ట్ జకీర్ ఇటీవల ఇచ్చిన ఇంటర్వ్యూలో క్లియర్ గా వివరణ ఇచ్చారు. గతంలో టీవీ9 ఆఫీస్ కి వచ్చి కూడా ఆయన గన్నుతో చంపేస్తాను అంటూ బెదిరించారని అన్నారు.

మోహన్ బాబు మా ఎన్నికల సమయంలో కొంతమంది ని బెదిరించడమే కాకుండా ఆయన కొట్టాలి అనుకుంటే కొడతారు కూడా ఆయన రౌడీయిజం నేను గతంలో టీవీ 9 లో పనిచేస్తున్నప్పుడు చూశాను అని జకీర్ తెలియజేశారు. ఒకసారి ఆయన కుటుంబం దానికి సంబంధించిన ఒక విషయంలో వార్త వచ్చినప్పుడు టీవీ9 ఆఫీస్ పై దాడి చేసేందుకు వచ్చారని అన్నారు. ఒక పెద్ద తుపాకీతో వచ్చి రవి ప్రకాష్ ఎక్కడ అంటూ అతన్ని కాల్చి చంపేస్తాను అని గట్టిగా బెదిరించారు.

నిజానికి మోహన్ బాబు వార్తల విషయంలో అధికారికంగా ప్రెస్ మీట్ పెట్టి ఏదో ఒక వివరణ ఇవ్వాల్సి ఉండేది. అంతేకాకుండా పరువు నష్టం దావా వేసే అవకాశం కూడా ఉంటుంది. లేదంటే మీడియా అధికారులతో కూడా ఆయన చర్చించవచ్చు. కానీ అలా చేయలేదు. మంచు విష్ణు ప్రమాణస్వీకారం చేస్తున్న సమయంలో మోహన్ బాబు కోపం గురించి తలసాని శ్రీనివాస్ యాదవ్ గారు కూడా తెలియజేశారు. ఆయన కోపం చాలాసార్లు అతనికే నష్టాన్ని కలిగించింది అని కూడా అన్నారని జకీర్ వివరణ ఇచ్చారు.