‘అర్జున్ రెడ్డి’ దర్శకుడు సందీప్ రెడ్డి వంగా తన రెండో సినిమాగా ‘యానిమల్’ ని రూపొందించాడు. ఈ సినిమాకి సంబంధించిన ప్రోమోలు, పాటలు సోషల్ మీడియాలో వైరల్ అయ్యాయి. సినిమా పై బజ్ ఏర్పడేలా కూడా చేశాయి. రణబీర్ కపూర్ హీరోగా రష్మిక మందన హీరోయిన్ గా తెరకెక్కుతున్న ఈ చిత్రంలో లిప్ లాక్ సన్నివేశాలు కూడా గట్టిగానే ఉంటాయని చెప్పకనే చెప్పాడు దర్శకుడు సందీప్. ఇక డిసెంబర్ 1 న ఈ చిత్రం రిలీజ్ కాబోతుంది.
ఇక దీని రన్ టైం ఏకంగా 3 గంటల 15 నిమిషాల వరకు వచ్చినట్టు ఇటీవల వార్తలు వినిపించిన సంగతి తెలిసిందే. ఈ విషయంలో చిత్ర బృందం చాలా టెన్షన్ పడుతుంది. కాబట్టి ముందుగా 3 నిమిషాల పైగా ఉన్న ట్రైలర్ ని విడుదల చేసి.. దాని రెస్పాన్స్ ని బట్టి రన్ టైం విషయంలో సీరియస్ డెసిషన్ తీసుకోవాలని నిర్మాతలు భావిస్తున్నారు. మరోపక్క ఈ చిత్రానికి సీక్వెల్ కూడా ఉంటుందనే గుసగుసలు వినిపిస్తున్నాయి.
క్లైమాక్స్ లో అందుకు లీడ్ కూడా ఇచ్చి.. ఈ సినిమా కథని ముగిస్తాడట దర్శకుడు. కొన్ని పాత్రలతో సీక్వెల్ ఉండేలా… సందీప్ ప్లాన్ చేసినట్టు తెలుస్తుంది. ఇదిలా ఉండగా.. ‘యానిమల్’ కి సీక్వెల్ ఉంటే (Prabhas) ప్రభాస్ ‘స్పిరిట్’ సంగతేంటి అనే అనుమానాలు.. అభిమానుల నుండి వ్యక్తమవుతున్నాయి. అయితే ‘స్పిరిట్’ తర్వాతే ‘యానిమల్ 2 ‘ పై దృష్టి పెడతానని సందీప్ రెడ్డి వంగా చెబుతున్నట్టు సమాచారం.
మా ఊరి పొలిమేర 2 సినిమా రివ్యూ & రేటింగ్!
కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!
