యంగ్ టైగర్ ఎన్టీఆర్ యాక్టింగ్ గురించి మనం ప్రత్యేకంగా చెప్పుకోవాల్సిన పనిలేదు. తొలి సినిమా నుంచి నందమూరి అభిమానుల అండ ఆయనకు ఉన్నప్పటికీ, తానే సొంతంగా అభిమానులను సంపాదించుకున్న యువ హీరో. పైగా అతి చిన్న వయసులోనే రికార్డులను సాధించిన కుర్ర హీరో. ఇదిలా ఉంటే ఎన్టీఆర్ కు ఇంత క్రేజ్, ఇంతటి పాప్యుల్యారిటీ రావడానికి అతని హార్డ్ వర్క్ అండ్ అతని పట్టుదల కారణం. అయితే ఇప్పుడు అదే పట్టుదలని ఇప్పుడు అందరూ తిట్టుకుంటున్నారు. ఇంతకీ విషయం ఏంటంటే రాష్ట్రంలో భానుడు ఉగ్రతాండవం చేస్తున్నాడు. ఎంత వేడికి దాదాపుగా అన్ని సినిమాల ఔట్ డోర్ షూటింగ్స్ క్యాన్సల్ అయ్యాయి. అంతెందుకు పని రాక్షసుడు జక్కన్న సైతం తన బాహుబలి2కి సుమ్మర్ హాలిడేస్ ప్రకటించేసాడు. ఇదంతా ఒక ఎత్తు అయితే ఎన్టీఆర్ మాత్రం తన సినిమా విషయంలో ఎక్కడ బ్యాక్ స్టెప్ తీసుకోను అంటూ మండుటెండల్లో షూటింగ్ చేస్తున్నాడు.
ప్రస్తుతం ఈ సినిమాకు సంబంధించిన ఓ భారీ షెడ్యూల్ హైదరాబాద్లో జరుగుతోంది. ఈ స్థాయి ఎండల్లో షూటింగ్ కి బ్రేక్ చెప్పటం మంచిదని చిత్ర యూనిట్ చెప్పినప్పటికీ…జూనియర్ మాత్రం ఈ షెడ్యూల్ ని అనుకున్న టైంకి పూర్తి చేయాల్సిందే అని చెప్పుకొచ్చాడంట. దీంతో ఎన్టీఆర్ ను చిత్ర యూనిట్ మొత్తం మనసులో తిట్టుకుంటూ పని చేస్తున్నారు అని టాలీవుడ్ సినీసర్కిల్స్ లో గుసగుసలు వినిపిస్తున్నాయి. ఇక మరోపక్క ఇప్పటి వరకూ పూర్తైన షూటింగ్ చాలా బాగా వచ్చింది అని, సినిమా మంచి హిట్ అవుతుంది అని ఇప్పటికీ టాలీవుడ్ సర్కిల్స్ లో అప్పుడే రచ్చ స్టార్ట్ అయ్యింది. మరి అంత కసిగా ఎన్టీఆర్ చేస్తున్న ఈ సినిమా ఎంతటి ఘనవిజయాన్ని సాధిస్తుందో వేచి చూడాలి.
