సినిమా స్టార్లు ఓటీటీ బాట పడుతున్నారు అనేది పాత మాట. ఎందుకంటే ఇప్పటికే చాలామంది కథానాయకులు, కథానాయికలు ఓటీటీలో షోలు, సిరీస్‌లు, సినిమాలు చేస్తున్నారు. చేస్తారు కూడా. అయితే ఇక్కడ విషయం… నేరుగా ఓటీటీని ఏర్పాటు చేయడం. అవును ఓ అగ్ర హీరో కొత్తగా ఓటీటీని తీసుకొస్తున్నారు. అతనే బాలీవుడ్‌ బాద్‌షా షారుఖ్‌ ఖాన్. SRK+ పేరుతో ఓటీటీని తీసుకొస్తున్నట్లు షారుఖ్‌ ఖాన్ ఇటీవల ప్రకటించాడు. ఓటీటీ లోకంలో ఓ కొత్త విషయాన్ని చూడబోతున్నారు అని కూడా రాసుకొచ్చాడు కింగ్‌ ఖాన్.
షారుఖ్‌ ఖాన్ ఇలా అనౌన్స్‌ చేశాడో లేదో సోషల్‌ మీడియాలో అభినందనలు మారుమోగిపోతున్నాయి. సల్మాన్‌ ఖాన్ అయితే ‘షారుఖ్‌ పార్టీ ఇవ్వాలి మరీ’ అంటూ ట్వీట్ చేశాడు. కరణ్‌ జోహార్‌ అయితే… ఈ సంవత్సరంలో ఇదే బిగ్గెస్ట్‌ న్యూస్‌ అని ట్వీట్ చేశాడు. షారుఖ్‌తో కలసి పని చేయాలనే నా కల నెరవేరుతోంది అంటూ దర్శకుడు అనురాగ్‌ కశ్యప్‌ ట్వీటాడు. ఇలా చాలామంది ఎస్‌ఆర్‌కే+ గురించి మాట్లాడుతున్నారు. అయితే ఇందులో షారుఖ్‌ ఏం చేయబోతున్నాడు అనేది తెలియడం లేదు.
బాలీవుడ్‌ వర్గాల సమాచారం ప్రకారం అయితే… ఇదో ఓటీటీ విభాగం. డిస్నీ ప్లస్‌ హాట్‌ స్టార్‌తో కలసి షారుఖ్‌ ఖాన్ ఈ బ్రాండ్‌తో కంటెంట్‌ రూపొందించాలని అనుకుంటున్నారు. షారుఖ్‌ తనయుడు ఆర్యన్‌ ఈ ఓటీటీ కోసం స్క్రిప్ట్‌ రైటర్‌గా మారి… వెబ్‌ సిరీస్‌ కోసం పని చేస్తారని అంటున్నారు. మరోవైపు షారుఖ్‌ కూడా కొత్త ప్లాట్‌ఫామ్‌లో కంటెంట్‌ చేయడానికి రెడీ అవుతున్నాడని సమాచారం. బాలీవుడ్‌లో ఓటీటీ లీగ్‌లో చాలామంది నటులు వచ్చేసి ఉన్నారు.
అజయ్‌ దేవగణ్‌, షాహిద్‌ కపూర్‌, అనిల్‌ కపూర్‌, మాధురీ దీక్షిత్‌, రిచా చద్దా లాంటి వాళ్లు ఓటీటీలో నటిస్తున్నారు. కానీ షారుఖ్‌ ఏకంగా ఓ బ్రాండ్‌తో వస్తున్నాడు. మరి షారుఖ్‌ దారిలో ఇంకెంతమంది స్టార్ హీరోలు, హీరోయిన్లు వస్తారు అనేది చూడాలి. మరి టాలీవుడ్‌ నుండి కూడా ఎవరైనా ఈ స్టైల్‌లో ఆలోచిస్తారా అనేది కూడా ఆసక్తికరమే.
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
