బాలీవుడ్లో సౌత్ సినిమాల డామినేషన్ ఎక్కువగా ఉంది. ఇది అందరూ ఒప్పుకోవాల్సిన నిజం. బాలీవుడ్ స్టార్లు కూడా ఈ విషయాన్ని గ్రహించారు. కాబట్టి.. వాళ్ళు వేరే చోట ఈవెంట్లకి వెళ్ళినప్పుడు సౌత్ హీరోల ప్రస్తావన తెచ్చి హైలెట్ అవ్వాలని చూస్తున్నారు. తాజాగా షారుఖ్ ఖాన్ (Shah Rukh Khan) కూడా అదే చేశాడు. విషయం ఏంటంటే.. దుబాయ్ వేదికగా ‘గ్లోబల్ విలేజ్‘ అనే కార్యక్రమం జరిగింది. దీనికి ముఖ్య అతిధిగా షారుఖ్ ఖాన్ హాజరయ్యాడు.
దుబాయ్ లో షారుఖ్ ఖాన్ కి చాలా మంది అభిమానులు ఉన్నారు. ఈ క్రమంలో వారి కోసం డాన్స్ చేశాడు. దీంతో అక్కడి వారంతా రెట్టింపు ఉత్సాహంతో డాన్స్ చేస్తూ.. ఎంజాయ్ చేశారు. అనంతరం షారుఖ్ తన స్పీచ్ తో కూడా ఆకట్టుకున్నాడు. షారుఖ్ ఖాన్ మాట్లాడుతూ.. “సౌత్ సినిమా స్టార్లు అయిన ప్రభాస్ (Prabhas), మహేష్ బాబు (Mahesh Babu), రామ్ చరణ్ (Ram Charan), యశ్ (Yash), అల్లు అర్జున్ (Allu Arjun), రజనీకాంత్ (Rajinikanth), విజయ్ (Vijay Thalapathy).. వంటి వారు నా ఫ్రెండ్స్.
అయితే ఈ సందర్భంగా వాళ్లకి నేను ఒక రిక్వెస్ట్ చేసుకోవాలనుకుంటున్నాను. అదేంటంటే.. మీరు వేగంగా డ్యాన్స్ చేయడం ఆపాలి. ఎందుకంటే మిగిలిన విషయాల్లో ఓకే కానీ డాన్స్ విషయంలో నేను మిమ్మల్ని ఫాలో కావడం కష్టం” అంటూ చెప్పుకొచ్చాడు. దీంతో అక్కడి జనాలు అంతా నవ్వేశారు. పోటీగా ఉన్న సౌత్ హీరోల పేర్లు షారుఖ్ ఖాన్ వంటి స్టార్.. స్టేజిపై చెప్పడమే ఓ అద్భుతం. ఇది అందరి ఫాన్స్ హృదయాలను టచ్ చేసినట్టు అయ్యింది.
అయితే డాన్స్ విషయంలో షారుఖ్ ఖాన్ ఏమీ తక్కువ కాదు. స్పీడ్ గానే డాన్స్ చేస్తాడు. ఇక ‘పఠాన్’ ‘జవాన్’ (Jawan) వంటి బ్లాక్ బస్టర్లతో ఫామ్లో ఉన్న షారుఖ్ ‘డంకి’ (Dunki) తో కొంచెం బ్రేక్ తీసుకున్నాడు. తర్వాత సిద్దార్థ్ ఆనంద్ (Siddharth Anand) దర్శకత్వంలో ‘కింగ్’ అనే సినిమా చేయడానికి రెడీ అవుతున్నాడు. దీన్ని సిద్దార్థ్, షారుఖ్..లే నిర్మించబోతున్నారని సమాచారం. త్వరలోనే దీని గురించి మరిన్ని వివరాలు వెల్లడిస్తారు.
Home
