టాలీవుడ్ ఇండస్ట్రీలో ఎంతో ఫ్యాన్ ఫాలోయింగ్ ఉన్నటువంటి ఫ్యామిలీలలో మెగా ఫ్యామిలీ ఒకటి అయితే ప్రస్తుతం మెగా ఫ్యామిలీ హీరోలు అందరూ కూడా చాలా సంతోషంగా ఉన్నట్టు తెలుస్తోంది మెగా ఫ్యామిలీలో వరుసగా శుభాలు జరగడంతో మెగా ఫ్యామిలీ హీరోలు అందరూ చాలా సంతోషంగా ఉన్నారు. మెగా పవర్ స్టార్ రామ్ చరణ్ తేజ్ RRR సినిమాతో గ్లోబల్ స్టార్ గా గుర్తింపు పొందారు. అలాగే వరుణ్ తేజ్ లావణ్య త్రిపాఠిలా నిశ్చితార్థం జరిగింది.
రోడ్డు ప్రమాదం నుంచి బయటపడిన తర్వాత సాయి ధరమ్ తేజ్ నటించిన విరూపాక్ష సినిమా కూడా చాలా మంచి విజయాన్ని సొంతం చేసుకుంది.ఇక రాంచరణ్ ఉపాసనలకు కుమార్తె జన్మించారు. ఇలా మెగా కుటుంబంలో అన్నీ కూడా చాలా శుభ పరిణామాలే జరగడంతో మెగా ఫ్యామిలీ అంతా సంతోషంగా ఉన్నారు. ఇకపోతే సాయి ధరమ్ తేజ్ సంపత్ నంది దర్శకత్వంలో మరో సినిమా చేయబోతున్న విషయం మనకు తెలిసిందే.
ఈ క్రమంలోనే ఈ సినిమాకు గాంజా శంకర్ (Shankar) అనే టైటిల్ రిజిస్టర్ చేసినట్లు వార్తలు వస్తున్నాయి. త్వరలోనే ఈ విషయాన్ని అధికారికంగా ప్రకటించబోతున్నారు. ఇలా ఈ సినిమా టైటిల్ గురించి సోషల్ మీడియాలో వార్తలు రావడంతో మెగా హీరోల సినిమాలలో టైటిల్స్ గురించి చర్చలు జరుగుతున్నాయి. మెగా హీరోలకు శంకర్ అనే టైటిల్ కలిసి వచ్చిందా అంటూ సందేహాలు వ్యక్తం చేస్తున్నారు. బాలయ్యకు సింహ టైటిల్ కలిసి వచ్చినట్టు మెగా హీరోలకు కూడా శంకర్ అనే పేరు కలిసి వచ్చిందా అందుకే వారందరూ కూడా తమ సినిమాలలో శంకర్ ఉండేలా చూసుకుంటున్నారా అంటూ వార్తలు వినపడుతున్నాయి.
మెగాస్టార్ చిరంజీవి ఇదివరకే శంకర్ దాదా ఎంబిబిఎస్ శంకర్ దాదా జిందాబాద్ వంటి సినిమాలలో నటించారు. తాజాగా ఈయన మరోసారి భోళా శంకర్ అనే సినిమాలో కూడా నటిస్తున్నారు. ఈ సినిమా త్వరలోనే విడుదల కానుంది. పవన్ కళ్యాణ్ కూడా ఇదివరకు గుడుంబా శంకర్ అనే సినిమాలో నటించారు. తాజాగా సాయి ధరమ్ తేజ్ కొత్త సినిమాకి కూడా గాంజా శంకర్ అనే టైటిల్ రిజిస్టర్ చేశారని తెలియడంతో మెగా హీరోలకు శంకర్ అనే పేరు కలిసొచ్చిందా అంటూ అభిమానులు సందేహాలను వ్యక్తం చేస్తున్నారు.
ఆదిపురుష్ సినిమా రివ్యూ & రేటింగ్!
‘సైతాన్’ వెబ్ సిరీస్ రివ్యూ & రేటింగ్!
కుటుంబం కోసం జీవితాన్ని త్యాగం చేసిన స్టార్ హీరోయిన్స్
Home