Sharwanand: ‘మనమే’ విషయంలో శర్వానంద్ కాన్ఫిడెన్స్ మామూలుగా లేదుగా..!

టాలీవుడ్లో ఉన్న టైర్ 2 హీరోల్లో శర్వానంద్ (Sharwanand) కూడా ఒకడు. ఇతని స్టోరీ సెలక్షన్ బాగుంటుంది అనే నమ్మకం జనాల్లో ఉంది. యూత్ కి మాత్రమే కాదు ఫ్యామిలీ ఆడియన్స్ లో కూడా శర్వానంద్ కి మంచి క్రేజ్ ఉంది. శర్వానంద్ ఎక్కువగా వాళ్లనే టార్గెట్ చేసి.. సినిమాలు చేస్తూ ఉంటాడు. అయితే అతని గత చిత్రం ‘ఒకే ఒక జీవితం’(Oke Oka Jeevitham)   ఓ సైన్స్ ఫిక్షన్ మూవీ. అందులో కూడా మదర్ సెంటిమెంట్ ఉన్నా.. అది హైలెట్ అయ్యింది తక్కువ.

ఇంకో రకంగా చెప్పాలంటే ‘శతమానం భవతి’ శర్వానంద్ కెరీర్లో బిగ్గెస్ట్ హిట్ మూవీ. ఆ సినిమా రూ.35 కోట్ల వరకు షేర్ ను రాబట్టింది. దాని తర్వాత శర్వానంద్ కి హిట్లు పడినా.. దానిని మ్యాచ్ చేయలేదు. అయితే ఈసారి మాత్రం ‘మనమే’ (Manamey) తో ‘శతమానం భవతి’ (Shatamanam Bhavati) రేంజ్ సక్సెస్ కొడతాను అని శర్వానంద్ కాన్ఫిడెంట్ గా చెబుతున్నాడు. శర్వానంద్ మాట్లాడుతూ ” ‘మనమే’ సినిమాని నా టీం అంతా చూడటం జరిగింది.

సినిమా చూసిన వాళ్ళందరూ సూపర్ అని చెప్పారు. ఈసారి పక్కాగా చెబుతున్నా.. ఈ సినిమా పెద్ద హిట్ అవుతుంది. ‘శతమానం భవతి’ రేంజ్లో ఈ సినిమా కూడా సక్సెస్ సాధిస్తుంది” అంటూ చెప్పుకొచ్చిన శర్వానంద్.. ఆ తర్వాత ‘ ‘మురారి’ (Murari) ‘ఖుషి’ (Kushi) సినిమాల్లో హీరో, హీరోయిన్లు తిట్టుకుంటూ ఉంటారు. ‘మనమే’ సినిమాలో కూడా అంతే. ఇది కూడా పెద్ద హిట్ అవుతుంది’ అంటూ చెప్పుకురావడం విశేషం.