టాలెంట్ పుష్కలంగా ఉన్నా ఈ మధ్య కాలంలో సరైన హిట్ లేక కెరీర్ విషయంలో ఒడిదొడుకులు ఎదుర్కొంటున్నారు హీరో శర్వానంద్. ఈ నెల 11వ తేదీన శర్వానంద్ హీరోగా తెరకెక్కి విడుదలైన శ్రీకారం సినిమాకు పాజిటివ్ టాక్ వచ్చినా బాక్సాఫీస్ దగ్గర ఈ సినిమా బిలో యావరేజ్ సినిమాగా నిలిచింది. పాజిటివ్ రివ్యూలు వచ్చినా ఈ సినిమా భారీగా కలెక్షన్లను రాబట్టుకోలేకపోవడం గమనార్హం. శ్రీకారం సినిమా కలెక్షన్లు శర్వానంద్ కెరీర్ పై కూడా ప్రభావం చూపాయి.
శతమానం భవతి సినిమా తరువాత శర్వానంద్ నటించిన సినిమాలేవీ బాక్సాఫీస్ దగ్గర సక్సెస్ కాలేదు. హను రాఘవపూడి దర్శకత్వంలో తెరకెక్కిన పడిపడి లేచే మనసు, సుధీర్ వర్మ డైరెక్షన్ లో తెరకెక్కిన రణరంగం, తమిళంలో బ్లాక్ బస్టర్ హిట్టైన 96 సినిమాకు రీమేక్ గా తెరకెక్కిన జాను, కిషోర్ డైరెక్షన్ లో తెరకెక్కిన శ్రీకారం సినిమాలతో శర్వానంద్ కు హిట్ దక్కలేదు. శర్వానంద్ ప్రస్తుతం అజయ్ భూపతి డైరెక్షన్ లో మహాసముద్రం సినిమాలో నటిస్తున్నారు.
ఈ సినిమాపైనే శర్వానంద్ ఆశలు పెట్టుకోగా మహాసముద్రం సినిమా శర్వానంద్ ఆశలు నెరవేరుస్తుందో లేదో చూడాల్సి ఉంది. ఆర్.ఎక్స్ 100 లాంటి బ్లాక్ బస్టర్ తరువాత అజయ్ భూపతి దర్శకత్వం వహిస్తున్న సినిమా కావడంతో ఈ సినిమాపై బాగానే అంచనాలు నెలకొన్నాయి. ఆగష్టు నెల 19వ తేదీన మహాసముద్రం సినిమా విడుదల కానుంది. ఈ సినిమాతో అజయ్ భూపతికి హిట్ దక్కుతుందో లేదో చూడాల్సి ఉంది. శర్వానంద్ ఎంచుకునే కథలు బాగానే ఉన్నా సినిమా విడుదలయ్యాక మాత్రం సీన్ రివర్స్ అవుతుండటం గమనార్హం. మరి మహాసముద్రం సినిమా అయినా శర్వానంద్ ఆశించిన స్థాయి సక్సెస్ ను తెచ్చిపెడుతుందో లేదో చూడాల్సి ఉంది.
Most Recommended Video
రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
Home