సాయి పల్లవిని తిట్టుకోవడం ఖాయమంటున్న శర్వానంద్

శర్వానంద్ హీరోగా సాయిపల్లవి హీరోయిన్ గా హను రాఘవపూడి డైరెక్షన్లో తెరకెక్కిన ‘పడి పడి లేచె మనసు’ చిత్రం డిసెంబర్ 21 న విడుదల కాబోతున్న సంగతి తెలిసిందే. ఇప్పటికే విడుదలైన టీజర్, ట్రైలర్ లతో చిత్రం పై అంచనాలు పెరిగాయి. విశాల్ చంద్రశేఖర్ అందించిన పాటలు చిత్రంలోనే హైలైట్ గా నిలువనున్నాయట.

ఇక ఈ చిత్ర ప్రమోషన్లలో భాగంగా శర్వానంద్ మాట్లాడుతూ… ‘ప్రతి రోజు కొత్తగా ప్రేమించాలి అనే కాన్సెప్ట్ తో ఈ సినిమా రూపొందింది. అందుకే ఈ సినిమాకి హను రాఘవపూడి ఈ టైటిల్ పెట్టాడు… ఇక అబ్బాయిలకి.. అమ్మాయిలను ఒకసారి లవ్ లో పడేయడానికే చాలా కష్టపడతారు ..అలాంటిది ఈ చిత్రంలో హీరోయిన్ ను పదే పదే లవ్ లో పడేయడానికి ఎన్ని కష్టాలు పడ్డానో తెర పైన చూస్తే మీకే తెలుస్తుంది. ఇక ఈ సినిమా చూసే వాళ్ళందరూ సాయిపల్లవిని తెగ తిట్టుకుంటారు .. నన్ను అయ్యో పాపం అనుకుంటారు. సూర్య లాంటి బాయ్ ఫ్రెండ్ వుంటే బాగుంటుందని అమ్మాయిలు కచ్చితంగా అనుకుంటారు .. అలాగే సాయిపల్లవికి ఇంత తిక్కుందా అని అంటారు. ఇక ఈ చిత్రంతో నాకు .. సాయిపల్లవికి మంచి మార్కులే పడతాయి.. సో దాని క్రెడిట్ కూడా హను రాఘవపూడికే దక్కుతుంది అనడంలో నో డౌట్’.. అంటూ చెప్పుకొచ్చాడు శర్వానంద్.