ప్రేమ సినిమాల దర్శకుడు అంటూ ముద్ర పడిపోతుందేమో అనుకుంటున్న సమయంలో భూకక్షలు, కుటుంబం అంటూ పంథా మార్చారు శివ నిర్వాణ. ప్రేమ అంటే కేవలం రంగుల లోకం కాదు, నలుపు-తెలుపు జీవితం కూడా ఉంటుంది అని తన సినిమాలతో చెప్పాడు. త్వరలో ‘టక్‌ జగదీష్‌’తో ప్రేక్షకులు ముందు రానున్నారు. దీని తర్వాత విజయ్‌ దేవరకొండతో ఓ సినిమా చేయబోతున్నాడనే విషయం తెలిసిందే. దీనిపై తాజాగా శివ స్పందించారు. శివ నిర్వాణ తొలి సినిమా ‘నిన్ను కోరి’.
ప్రేమకథ అంటే పెద్దలు, పిల్లల సంఘర్షణ అని కాకుండా… ఇంకో కోణం కూడా ఉంటుంది అని చూపించాడు. పాయింట్‌ కొత్తది కాకపోయినా…. చూపించిన విధానం ఆకట్టుకుంది. ఆ తర్వాత ‘మజిలీ’తో మరో రకం ప్రేమను చూపించారు. సినిమాలో రెండు ప్రేమకథలూ… అద్భుతంగా పండాయి. ఇప్పుడు ‘టక్‌ జగదీష్‌’లో ఉమ్మడికుటుంబం, భూకక్షలు లాంటివి ఉంటాయట. మరి ఆ తర్వాత మళ్లీ శివ ప్రేమకథ తీస్తారా? ఈ ప్రశ్న చాలామందిలో ఉంది. అందులో విజయ్‌ దేవరకొండ లాంటి లవర్ బాయ్‌తో అనేసరికి ఇంకా అనుకున్నారు.
అయితే విజయ్‌తో శివ తీయబోయే సినిమా నవ్వులతో నిండిపోతోబోతోందట. అవును పడి పడి నవ్వుకునే సినిమా తీయాలనుందని శివ చాలా రోజుల నుండి అనుకుంటున్నారట. త్వరలో విజయ్‌ దేవరకొండతో అలాంటి ఓ కథతోనే సినిమా చేస్తారట. మైత్రీ మూవీమేకర్స్‌ ఈ సినిమా నిర్మిస్తోంది.
Most Recommended Video
బిగ్‌ బాస్ 5 కంటెస్టెంట్స్ గురించి మీకు తెలియని ఆసక్తికరమైన విషయాలు!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
ఈ 15 సినిమాలకి సంగీతం ఒకరు.. నేపధ్య సంగీతం మరొకరు..!
