Pooja Hegde: బుట్టబొమ్మ పరిస్థితి ఇలా అయింది ఏంటి చెప్మా!

ఈ మధ్య టాలీవుడ్‌ బుట్టబొమ్మ అని పిలుచుకుంటూ మురిసిపోతున్న హీరోయిన్‌ పూజా హెగ్డే. తొలి ఇన్నింగ్స్‌లో సరైన విజయాలు లేకపోయినా బాలీవుడ్‌కి వెళ్లిన నాయిక ఆమె. అయితే అక్కడా విజయం దక్కక.. తిరిగి సౌత్‌కి వచ్చి మంచి పేరు తెచ్చుకుంది. దీంతో అగ్ర హీరోల సరసన నటిస్తూ పాన్‌ ఇండియా నాయిక రేంజికి ఎదిగిపోయింది. ‘రాధేశ్యామ్‌’, ‘బీస్ట్‌’ అంటూ వరుసగా పాన్‌ ఇండియా సినిమాలు చేయడంతో అలా అంటున్నారు ఆమె ఫ్యాన్స్‌. అలాంటి పాన్‌ ఇండియా నాయికకు ఘోరం అవమానం జరిగింది అంటున్నారు నెటిజన్లు.

Click Here To Watch NOW

విజయ్‌ ‘బీస్ట్‌’ సినిమా ట్రైలర్‌ వచ్చింది చూశారా? విజయ్‌ అదరగొట్టేశాడు కదా. మరి అందులో పూజా హెగ్డే కూడా ఉంది తెలుసా? అవునా ఎక్కడా కనిపించలేదే అంటారు. అవును మరి ట్రైలర్‌లో ఏదో ఆఖరున ఓ రెండు, మూడు సెకన్లు కనిపిస్తే ఎలా గుర్తుపడతారు మరి. అయితే స్క్రీన్‌ మీద అందంగానే కనిపించినా.. రెప్పపాటులో తారాజువ్వలో కనిపించింది పూజ. ఇప్పుడు ఈ విషయంలో హాట్‌ టాపిక్‌గా మారింది. పూజ లాంటి స్టార్‌ నాయికను ట్రైలర్లో అంత తక్కువ సేపు చూపించడమా అని.

స్టార్‌ హీరో సినిమాలో హీరోయిన్ల పరిస్థితి అలా కనిపించి, ఇలా మెరిపించి, మురిపించి వెళ్లిపోవడమే అంటుంటారు. అతి కొద్ది సినిమాల్లోనే హీరోయిన్లకూ ఇంపార్టెన్స్‌ ఇస్తుంటారు. మేం చెప్పేది స్టార్‌ హీరోల సినిమాల గురించి అని మరచిపోవద్దు. ఇప్పుడు ‘బీస్ట్‌’లో కూడా పాటలు, రొమాంటిక్‌ సీన్స్‌ కోసం కాసేపు పూజ పాత్రను పెట్టారా? అని అడుగుతున్నారు. సినిమాలో కీలక పాత్ర అయితే ట్రైలర్‌లో ఎక్కువ సేపు ఉండాలి కదా అంటున్నారు.

ఇంకా చెప్పాలంటే సినిమా ట్రైలర్‌లో యోగిబాబు పాత్రకు వచ్చిన స్క్రీన్‌ ప్రజెన్స్‌, రియాక్షన్‌ కూడా పూజకు రాలేదు అంటే పరిస్థితి అర్థం చేసుకోవచ్చు. అయితే ఇక్కడ గుడ్డిలో మెల్ల ఏంటంటే… ఈ సినిమా నుండి మొన్నీ మధ్య వచ్చిన రెండు పాటల్లో పూజ అయితే అదిరిపోయింది. కాబట్టి పాటల్లో పూజ ఫుల్‌ గ్లామర్‌ డోస్ పక్కా అని చెప్పొచ్చు. అదంతా పక్కనపెడితే పూజను అంత తక్కువ సేపు చూపించడం వెనుక కారణం ఏంటో?

ఆర్ఆర్ఆర్ సినిమా రివ్యూ & రేటింగ్!

‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?