విశ్వక్ సేన్ హీరోగా నటించిన ‘పాగల్’ మూవీ ఈ శనివారం అనగా ఆగష్ట్ 14న విడుదల కాబోతుంది. తాజాగా విడుదల చేసిన ట్రైలర్ కు మంచి స్పందనే లభించింది. పాటలు కూడా బాగానే ఉన్నాయి. ఇక ప్రచార కార్యక్రమాల్లో భాగంగా నిన్న ప్రీ రిలీజ్ వేడుకను నిర్వహించారు చిత్ర యూనిట్ సభ్యులు. ఈ వేడుకలో హీరో విశ్వక్ సేన్ స్పీచ్ పై విమర్శలు గుప్పిస్తున్నారు కొందరు నెటిజన్లు.మనకి మరో ‘ఆటిట్యూడ్ స్టార్ దొరికాడు’ అని కొందరు కామెంట్స్ చేస్తుంటే మరికొందరు ‘విజయ్ దేవరకొండనా? లేక బండ్లన్నా?’ అంటూ ప్రశ్నిస్తూ సెటైర్లు వేస్తున్నారు.
ఒకసారి విశ్వక్ సేన్ స్పీచ్ విషయానికి వెళితే.. “మీకెవ్వరికీ తెలీదు. మేం పెద్ద హిట్ కొడుతున్నాం. అందరూ ఫ్రైడే సినిమాని రిలీజ్ చేస్తారు..కానీ మేం ‘పాగల్’ కదా..అందుకే శనివారం రిలీజ్ చేస్తున్నాం. శనివారం రోజు పార్టీలు పబ్బుల్లోనే కాదు నా థియేటర్లలో కూడా ఉంటాయి. ‘నన్ను చాలామంది అడుగుతున్నారు.. ఇలాంటి పరిస్థితిల్లో సినిమా రిలీజ్ చేస్తున్నావ్? రైటా? అని అడిగారు’..! వాళ్లకి నేను ఒక్కటే చెప్తున్నా.. సర్కస్‌లో సింహంతో ఎవడైనా ఆడుకుంటాడు..
నేను అడవికి వెళ్లి మరీ సింహంతో ఆడుకునే టైపు. మూసుకున్న థియేటర్లు అన్నీ తెరిపిస్తా..! అమ్మతోడు.. నా పేరు విశ్వక్ సేన్.. సినిమా మామూలుగా ఉండదు.. నా లెక్క తప్పైతే పేరు మార్చుకుంటా.. సినిమా థియేటర్స్‌లో సీట్లు చింపేయకండి ప్లీజ్.. ఇండిపెండెన్స్ డే ఆగష్టు 15.. సినిమా థియేటర్స్‌కి ఇండిపెండెన్స్ డే ఆగష్టు 14″ అంటూ వీర లెవెల్లో చెప్పుకొచ్చాడు. దీంతో ఇది కాన్ఫిడెన్స్ అనాలో లేక ఓవర్ కాన్ఫిడెన్స్ అనాలో తెలీని డైలమాలో నెటిజన్లు ఉన్నారు.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
