ఒకప్పుడు వరుసగా విజయాలను సొంతం చేసుకున్న రాజశేఖర్ ఈ మధ్య కాలంలో నటించిన సినిమాలేవీ అంచనాలను అందుకోవడం లేదు. గతేడాది రాజశేఖర్ నటించి విడుదలైన శేఖర్ మూవీ ప్రేక్షకులను తీవ్రస్థాయిలో నిరాశపరిచింది. ఈ మధ్య కాలంలో రాజశేఖర్ కొత్త సినిమాలకు సంబంధించిన ప్రకటనలు కూడా రావడం లేదు. అయితే చాలా సంవత్సరాల క్రితం ఒక సినిమాలో రాజశేఖర్ నటించాలని చిరంజీవి రికమెండ్ చేశారట.
రాజశేఖర్ ఒక సందర్భంలో మాట్లాడుతూ స్వయంగా ఈ విషయాన్ని వెల్లడించారు. మలయాళంలో బ్లాక్ బస్టర్ హిట్ గా నిలిచిన సినిమాలలో ఒరు సీబీఐ డైరీ కురిప్పు సినిమా కూడా ఒకటి. ఈ సినిమా మలయాళంలో రికార్డు స్థాయిలో కలెక్షన్లను సొంతం చేసుకోవడం ద్వారా అప్పట్లో వార్తల్లో నిలిచింది. ఈ సినిమా రీమేక్ లో నటించాలని రాజశేఖర్ భావించగా అప్పటికే ఈ సినిమా తెలుగు రీమేక్ రైట్స్ అల్లు అరవింద్ కొనుగోలు చేశారని రాజశేఖర్ కు తెలిసింది.
అయితే ఆ తర్వాత అల్లు అరవింద్ ఈ సినిమాలో నటిస్తావా అని రాజశేఖర్ ను అడగడంతో షాకవ్వడం రాజశేఖర్ వంతు అయింది. ఆ సమయంలో అల్లు అరవింద్ మొదట ఈ సినిమాను చిరంజీవితోనే చేయాలని అనుకున్నామని అయితే కాల్షీట్ల సమస్య వచ్చిందని రాజశేఖర్ కు చెప్పారు. ఏం చేద్దామా అని ఆలోచిస్తుంటే చిరంజీవి మీ పేరును సూచించారని అల్లు అరవింద్ రాజశేఖర్ కు తెలిపారు.
ఈ విధంగా చిరంజీవి వల్ల ఒరు సీబీఐ డైరీ కురిప్పు సినిమా రీమేక్ న్యాయం కోసంలో రాజశేఖర్ నటించి ఈ సినిమాతో సక్సెస్ ను సొంతం చేసుకోవడం సాధ్యమైంది. రాజశేఖర్ మళ్లీ సినిమాలతో బిజీ కావాలని ఫ్యాన్స్ కోరుకుంటున్నారు. క్యారెక్టర్ ఆర్టిస్ట్ గా రాజశేఖర్ కు ఎన్నో ఆఫర్లు వస్తుండగా ఆ ఆఫర్లను రాజశేఖర్ రిజెక్ట్ చేస్తున్నారు.
బటర్ ఫ్లై సినిమా రివ్యూ& రేటింగ్!
2022లో అలరించిన తెలుగు సినిమాలు ఇవే!
ఇప్పటవరకూ ఎవరు చూడని శ్రీలీల రేర్ ఫోటో గ్యాలరీ!!
‘ఖుషి’ పవన్ ఫ్యాన్స్ కు ఒక డ్రగ్ లాంటిది..రీ రిలీజ్ లో ఎందుకు చూడాలి అంటే..?
