‘బిగ్ బాస్5’ లో 16వ కంటెస్టెంట్‌గా ఎంట్రీ ఇచ్చిన మానస్ గురించి ప్రత్యేక పరిచయం అవసరం లేదు.70 రోజులుగా ఇతన్ని ప్రేక్షకులు చూస్తూ వస్తున్నారు. హౌస్ లో ఉన్న కంటెస్టెంట్స్ లో బాగా మెచ్యూర్డ్ పర్సన్ అంటే మానస్ అనే ఎక్కువ మంది చెబుతుంటారు.ఏ విషయంలోనూ అతను అగ్రెసివ్ గా వెళ్ళిపోడు. చిన్న చిన్న విషయాలకి ఎక్కువ వాదనలు పెట్టుకునే రకం కాదు. ‘తక్కువ మాట్లాడాలి ఎక్కువ పనిచేయాలి’ అన్నట్టు వ్యవహరిస్తుంటాడు. హౌస్మేట్స్ తో అతను బిహేవ్ చేసే విధానం కూడా అందరికీ ఆదర్శంగా నిలుస్తుంటుంది అనడంలో అతిశయోక్తి లేదు.
మరీ ముఖ్యంగా ప్రియాంక సింగ్ పై అతను చూపించే కేరింగ్.. ఆమె ఎలా తీసుకున్నా, హౌస్మేట్స్ ఎలా తీసుకున్నా…ఆడియెన్స్ ఎలా తీసుకున్నా… అతను మెయింటైన్ చేసే కూల్ అనేది అందరినీ ఆకట్టుకుంటుంది. ఈ విషయాలను పక్కన పెట్టేస్తే.. ఎప్పుడు కామ్ గోయింగ్ అన్నట్టు ఉండే మానస్ లో మాస్ యాంగిల్ కూడా ఉందని ఓ విషయంలో బయటపడింది. విషయంలోకి వెళితే.. ఇటీవల జరిగిన ఓ ఎపిసోడ్లో హౌస్మేట్స్ తో నాగార్జున ఓ గేమ్ ఆడించాడు. అదేంటంటే… హీరో హీరోయిన్ల చిన్నప్పటి ఫోటోలు చూపిస్తే వాళ్ళని గుర్తుపట్టి వాళ్ళ పేర్లు చెప్పాలి.అప్పుడు ఆ హీరో, హీరోయిన్లకి సంబంధించిన పాట ప్లే అవుతుంది..
కరెక్ట్ సమాధానం చెప్పిన టీం వారి పాటలకి డ్యాన్స్ చేయొచ్చు. ఇందులో సంచాలక్ గా మానస్ వ్యవహరించాడు. అప్పటి వరకు వచ్చిన హీరో, హీరోయిన్ల ఫోటోలకి అతను పెద్దగా రియాక్ట్ కాలేదు కానీ పవన్ కళ్యాణ్ చిన్నప్పటి ఫోటో వచ్చినప్పుడు మాత్రం అతను ఓ చిన్న పిల్లాడిలా ఊగిపోయాడు. ఆ ఫోటోని హౌస్మేట్స్ ఎవ్వరూ గుర్తుపట్టకపోతే సంచాలక్ కి అవకాశం ఇవ్వాలని నాగార్జునని రిక్వెస్ట్ చేసాడు.అందుకు నాగార్జున ఓకే చెప్పడంతో ‘పవన్ కళ్యాణ్’ అంటూ గట్టిగా అరిచాడు.అప్పుడు ప్లే చేసిన పవన్ కళ్యాణ్ పాటకి సోలోగా డాన్స్ చేసి అదరగొట్టాడు మానస్.
దీనికి సంబంధించిన వీడియోలని పవన్ కళ్యాణ్ ఫ్యాన్స్ షేర్ చేస్తూ మానస్ పై ప్రశంసలు కురిపిస్తున్నారు.దీంతో మానస్ పవన్ ఫ్యాన్స్ అటెన్షన్ ను డ్రా చేసినట్టు అయ్యింది. చిన్నప్పటి నుండీ చిరంజీవికి, పవన్ కళ్యాణ్ కి పెద్ద అభిమానినని ఓ సందర్భంలో చెప్పుకొచ్చాడు మానస్.హౌస్ లోకి అతను ఎంట్రీ ఇచ్చినప్పుడే బ్యాక్ టు బ్యాక్ పవన్ కళ్యాణ్ సాంగ్స్ కు పెర్ఫార్మన్స్ ఇచ్చి అదరగొట్టాడు. కచ్చితంగా ఇతను టాప్ 5 లో ఉండడానికి… పవన్ ఫ్యాన్స్ తమవంతు కృషి చేసినా చేయొచ్చు.
Most Recommended Video
ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!
