Pawan Kalyan: పవన్ కళ్యాణ్ తో నటించిన ఈ 11 మంది హీరోయిన్లకు కలిసి రాలేదట..!

సినీ పరిశ్రమ అంటేనే సెంటిమెంట్ల పరిశ్రమ అని చాలా మంది భావిస్తూ ఉంటారు. ఎందుకంటే సినీ ప్రముఖులు చాలా మంది సెంటిమెంట్లకు పెద్ద పీట వేస్తుంటారు. అభిమానులకు మాత్రమే కాదు హీరోలు, నిర్మాతలు ఇలా అందరికీ కొన్ని సెంటిమెంట్లు ఉంటాయి. అందుకు కారణాలు లేకపోలేదు. ఇండస్ట్రీలో ఎదగాలి అంటే టాలెంట్ తో పాటు ఆవగింజంత అదృష్టం కూడా కలిసి రావాలి అని అంతా అంటుంటారు. అందుకే ఇక్కడ సెంటిమెంట్లకు ప్రాధాన్యత ఎక్కువ. పూజా కార్యక్రమాలు నుండి గుమ్మడి కాయ కొట్టే వరకు నెగిటివ్ వైబ్స్ కనుక కనిపిస్తే షూటింగ్లు డిలే అవుతూ ఉంటాయి.

సరే ఈ విషయాలను పక్కన పెట్టేస్తే.. పవన్ కళ్యాణ్ విషయంలో కూడా ఓ బాడ్ సెంటిమెంట్ రన్ అవుతుందట. అది కూడా హీరోయిన్ల విషయంలో. పవన్ తో నటించిన చాలా మంది హీరోయిన్లు ఇప్పుడు అడ్రస్ లేరు అని అలాగే కొంతమంది హీరోయిన్లు అయితే మొదటి సినిమాకే దుకాణం సర్దేసారనేది ఈ సెంటిమెంట్. ఆ హీరోయిన్లు ఎవరో ఓ లుక్కేద్దాం రండి :

1) సుప్రియ యార్లగడ్డ :

పవన్ కళ్యాణ్ మొదటి చిత్రం ‘అక్కడ అమ్మాయి ఇక్కడ అబ్బాయి’ చిత్రంలో ఈమె హీరోయిన్ గా నటించింది. తర్వాత అడ్రస్ లేదు. మొన్నామధ్య ‘గూఢచారి’ మూవీలో కీలక పాత్ర పోషించింది.

2)దేవయాని :

‘సుస్వాగతం’ లో పవన్ కళ్యాణ్ తో నటించిన ఈమె తర్వాత రెండు, మూడు సినిమాలకే పరిమితమైంది.

3)ప్రీతి జింగానియా :

‘తమ్ముడు’ చిత్రంలో హీరోయిన్ గా నటించిన ఈమె ఆ తర్వాత ‘నరసింహ నాయుడు’ ‘అధిపతి’ వంటి చిత్రాల్లో నటించి ప్యాకప్ చెప్పేసింది.

4) అదితి గోవిత్రికర్ :

‘తమ్ముడు’ చిత్రంలో ఈమె లవ్ లీ పాత్రలో కనిపించింది. ఆ తర్వాత ఏ సినిమాలోనూ కనిపించలేదు.

5)కీర్తి రెడ్డి :

‘తొలి ప్రేమ’ లో పవన్ కు జోడీగా నటించిన ఈమె ‘అర్జున్’ లో మహేష్ కు అక్క పాత్రలో నటించింది. ఆ తర్వాత ఏ తెలుగు సినిమాలోనూ నటించలేదు.

6)రేణు దేశాయ్ :

పవన్ ‘బద్రి’ ‘జాని’ సినిమాల్లో నటించింది. ఆ తర్వాత ఏ సినిమాలోనూ నటించలేదు.

7) నేహా ఒబెరాయ్ :

‘బాలు’ చిత్రంలో పవన్ కు జోడిగా నటించిన ఈమె ఆ తర్వాత జగపతి బాబుతో ఓ సినిమాలో నటించింది. ఆ తర్వాత ప్యాకప్ చెప్పేసింది.

8)మీరా చోప్రా :

పవన్ కళ్యాణ్ నటించిన ‘బంగారం’ చిత్రంతో టాలీవుడ్ కు ఎంట్రీ ఇచ్చిన ఈ అమ్మడు ఆ తర్వాత రెండు, మూడు సినిమాలకే పరిమితమైంది.

9)నికీషా పటేల్ :

‘కొమరం పులి’ చిత్రం ద్వారా టాలీవుడ్ కు ఎంట్రీ ఇచ్చిన ఈ బ్యూటీ ఆ తర్వాత కళ్యాణ్ రామ్ తో ‘ఓం 3D’ లో నటించింది. ఆ తర్వాత ఇంకో సినిమాలో నటించింది. కానీ ఆ మూవీ వచ్చి వెళ్లినట్టు కూడా చాలా మందికి తెలీదు.

10)సారా జేన్ డియాస్ :

పవన్ కళ్యాణ్ నటించిన ‘పంజా’ ద్వారా ఎంట్రీ ఇచ్చిన ఈమె మరో తెలుగు సినిమాలో నటించలేదు.

11) అంజలి లవానియా :

పవన్ కళ్యాణ్ నటించిన ‘పంజా’ ద్వారానే ఈమె కూడా ఎంట్రీ ఇచ్చింది. తర్వాత ఇంకో సినిమాలో నటించలేదు.