యంగ్ టైగర్ జూనియర్ ఎన్టీఆర్, కొరటాల శివ కాంబినేషన్ లో ఒక సినిమా తెరకెక్కనుండగా ఈ సినిమా కథకు సంబంధించి, ఈ సినిమాలో నటిస్తున్న హీరోయిన్ల గురించి వార్తలు తెగ వైరల్ అయిన సంగతి తెలిసిందే. అయితే తాజాగా ఈ సినిమాకు టైటిల్ కూడా ఫిక్స్ అయిందని తెలుస్తోంది. యంగ్ టైగర్ ఎన్టీఆర్ కొరకు కొరటాల శివ పవర్ ఫుల్ టైటిల్ ను పరిశీలిస్తున్నారని ఈ సినిమాకు “సెన్సేషనల్” అనే టైటిల్ ఫైనల్ అయిందని సమాచారం.
జనతా గ్యారేజ్ రిలీజైన ఐదు సంవత్సరాల తరువాత ఎన్టీఆర్ కొరటాల శివ కాంబినేషన్ రిపీట్ కానుండటం గమనార్హం. ఈ టైటిల్ గురించి జూనియర్ ఎన్టీఆర్ ఫ్యాన్స్ నుంచి పాజిటివ్ కామెంట్లు వినిపిస్తున్నాయి. ఇప్పటికే కొరటాల శివ ఎన్టీఆర్ కు లైన్ వినిపించారని ప్రస్తుతం పూర్తిస్థాయి స్క్రిప్ట్ ను సిద్ధం చేస్తున్న కొరటాల శివ స్క్రిప్ట్ పూర్తైన తరువాత మరోసారి కథను ఎన్టీఆర్ కు వినిపించనున్నారని సమాచారం. ఆగష్టు నెల నుంచి ఈ సినిమా షూటింగ్ మొదలయ్యే అవకాశాలు ఉన్నాయి.
ఆర్ఆర్ఆర్ షూటింగ్ పూర్తైన వెంటనే ఈ సినిమా షూటింగ్ మొదలుకానుందని సమాచారం. సామాజిక అంశాలకు కమర్షియల్ హంగులను జోడించి కొరటాల శివ ఈ సినిమాను తెరకెక్కించనున్నారని ఇండస్ట్రీ వర్గాల్లో వినిపిస్తోంది. జూన్ 15న కొరటాల శివ పుట్టినరోజు కాగా ఆ రోజున టైటిల్ కు సంబంధించిన ప్రకటన వెలువడే అవకాశం ఉందని తెలుస్తోంది. కొరటాల శివ సినిమాలో తారక్ స్టూడెంట్ రోల్ లో కనిపించనున్నారని సమాచారం.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home