Varasudu: మీమర్స్ కి మంచి కంటెంట్ ఇచ్చారుగా!

ఈ సంక్రాంతికి విడుదల కాబోతున్న సినిమాల్లో ముందుగా డబ్బింగ్ సినిమాల ట్రైలర్స్ ప్రేక్షకుల ముందుకొచ్చాయి. మొదటగా అజిత్ నటించిన ‘తునివు’ ట్రైలర్ రిలీజ్ అయింది. ఇందులో అజిత్ తన లుక్స్ తో ఆకట్టుకున్నారు. ఇక రీసెంట్ గా విజయ్ నటించిన ‘వారసుడు’ ట్రైలర్ రిలీజయింది. అయితే ఇప్పుడు ఈ ట్రైలర్ మీమర్స్ కి మంచి కంటెంట్ అయింది. ఇప్పటివరకు ‘వారసుడు’ సినిమా మీద ఉన్న కాస్త బజ్ ను కూడా ఈ ట్రైలర్ తీసేసిందనే చెప్పాలి.

ట్రైలర్ చూసిన తరువాత తెలుగులో ఇలాంటి సినిమాలు చాలానే వచ్చాయనిపించడం ఖాయం. ఉమ్మడి కుటుంబం, సాఫీగా సాగుతున్న వారి జీవితాల్లో ఒక సమస్య రావడం, హీరో తండ్రి వ్యాపారాన్ని దక్కించుకోవాలని ప్రయత్నించే స్టైలిష్ విలన్.. వీటన్నింటికీ చెక్ పెట్టి మళ్లీ తన ఫ్యామిలీని ఒక్కటిగా చేసే హీరో. విజయ్ లాంటి స్టార్ హీరో కోసం వంశీ పైడిపల్లి రొటీన్ ఫ్యామిలీ స్టోరీని రాసుకోవడంతో నెటిజన్లు ‘వారసుడు’ ట్రైలర్ ని ఓ రేంజ్ లో ట్రోల్ చేస్తున్నారు.

దాదాపు ఇదే కథతో ఇప్పటికే మన స్టార్ హీరోలు మహేష్ బాబు, అల్లు అర్జున్, రామ్ చరణ్ లు సినిమాలు చేసేశారు. కోలీవుడ్ లో ఎంట్రీ కోసం వంశీ పైడిపల్లి రొటీన్ అనిపించే తెలుగు కథనే అటు ఇటు మార్పులు చేసి తీశారంటూ కామెంట్స్ చేస్తున్నారు. ట్రైలర్ లో అయితే ‘బ్రహ్మోత్సవం’, ‘అత్తారింటికి దారేది’, ‘మహర్షి’ సినిమాల ఛాయలు కనిపిస్తున్నారు. ఈ కథ కోసం దిల్ రాజు వందల కోట్లు ఖర్చు చేశారు. సినిమా ప్రమోషన్స్ లో ఎంతో గొప్పగా మాట్లాడారు.

సంక్రాంతి మాదేనంటూ గొప్పలు చెప్పుకున్నారు. ఇలాంటి రొటీన్ కథ పెట్టుకొని తెలుగు, తమిళ ఆడియన్స్ ను ఎంతవరకు మెప్పిస్తారో చూడాలి!

బటర్ ఫ్లై సినిమా రివ్యూ& రేటింగ్!
2022లో అలరించిన తెలుగు సినిమాలు ఇవే!

ఇప్పటవరకూ ఎవరు చూడని శ్రీలీల రేర్ ఫోటో గ్యాలరీ!!
‘ఖుషి’ పవన్ ఫ్యాన్స్ కు ఒక డ్రగ్ లాంటిది..రీ రిలీజ్ లో ఎందుకు చూడాలి అంటే..?