‘గుంటూరు కారం’ ట్రైలర్ ఈరోజు రిలీజ్ అయ్యింది. ఇది ఊహించని విధంగా ఉంది అనే చెప్పాలి. మహేష్ బాబు – త్రివిక్రమ్ కాంబినేషన్లో సినిమా అంటే రొటీన్ గా… ‘అతడు’ ‘ఖలేజా’ స్టయిల్లోనో, లేదు అంటే త్రివిక్రమ్ మార్క్ ఫ్యామిలీ స్టైల్లోనో ఉంటుందేమో అని అంతా అనుకున్నారు. కానీ ట్రైలర్ ఆ అంచనాలకు భిన్నంగా ఉంది. త్రివిక్రమ్ మార్క్ ఏమీ ట్రైలర్లో కనిపించలేదు. ప్రాసలతో కూడిన డైలాగులు, ఫ్యామిలీ ఎమోషన్స్ వంటివి ఎక్కువగా ట్రైలర్లో చూపించలేదు.
‘ఖలేజా’ తర్వాత మహేష్ బాబులో మిస్ అయిన మాస్ యాంగిల్ ని కంప్లీట్ గా ‘గుంటూరు కారం’ ట్రైలర్లో చూపించే ప్రయత్నం చేశారు. మహేష్ అభిమానులు ఈ ట్రైలర్..ని రిపీటెడ్ గా చూస్తూనే ఉంటారేమో అనేలా ఉంది ‘గుంటూరు కారం’ ట్రైలర్. ఆ సంగతి పక్కన పెట్టేస్తే.. ‘గుంటూరు కారం’ (Guntur Kaaram) ట్రైలర్లో కథని పరిచయం చేయకపోవడం అనేది కూడా ఒక రిస్క్ ఫ్యాక్టరే అని చెప్పాలి.
ఎందుకంటే ప్రేక్షకులు థియేటర్ కి ఏదో ఊహించుకుని వెళ్లి.. అక్కడ ఇంకేదో ఉంటే ఫలితం తేడా కొట్టే ప్రమాదం ఉంది. ఆ సంగతి కూడా పక్కన పెట్టేద్దాం. ట్రైలర్ కి ఉన్న మెయిన్ మైనస్ బ్యాక్ గ్రౌండ్ స్కోర్ అని చెప్పడంలో సందేహం లేదు. గ్లింప్స్ కి కొట్టిన బీజీఎం నే అటు ఇటు మార్చేసి ట్రైలర్ కి కూడా వాడేశాడు తమన్. ఇక పాటలు ఎలా ఉన్నాయో అందరికీ తెలుసు.
‘మహర్షి’ ‘సరిలేరు నీకెవ్వరు’ టైంలో దేవిశ్రీ ప్రసాద్ ని తిట్టుకున్న మహేష్ అభిమానులు.. ఇప్పుడు తమన్ పనితనం చూసి దేవీనే బెటర్ అనుకుంటున్నారు. ట్రైలర్ కి ఎలా ఉన్నా.. రెండు, మూడు రోజుల్లో రిలీజ్ అయ్యే సినిమాలో ఇలాంటి పేలవమైన బీజీఎం కనుక ఉంటే తమన్..ని గురూజీ(త్రివిక్రమ్) తన నెక్స్ట్ సినిమాలకి పక్కన పెట్టేయడమే బెటర్ అని చెప్పాలి.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
Home