బుల్లితెర రియాలిటీ షో బిగ్ బాస్ షో సిజన్ 5 తెలుగు రెండో వారం ఎలిమినేషన్ లో షాకింగ్ ట్విస్ట్ ఉండబోతుందా? అనే ప్రశ్నకు అవుననే సమాధానం వినిపిస్తోంది. ఈ వారం కార్తీకదీపం ఫేమ్ ఉమాదేవి ఎలిమినేట్ అవుతారని చాలామంది భావించారు. అయితే కార్తీకదీపం సీరియల్ ఫ్యాన్స్ సపోర్ట్ వల్ల ఆమె ఎలిమినేషన్ నుంచి తప్పించుకున్నారని సమాచారం. ఈ వారం ఎలిమినేషన్ లో ఉమాదేవితో పాటు ఆర్జే కాజల్, ప్రియ, యానీ మాస్టర్, ప్రియాంక సింగ్, లోబో, నటరాజ్ మాస్టర్ ఉన్నారు.
హౌస్ లో గేమ్ మారే కొద్దీ కంటెస్టెంట్లకు వచ్చే ఓట్లలో కూడా మార్పులు వస్తుండటం గమనార్హం. సోషల్ మీడియాలో పెద్దగా పాపులారిటీ లేని కంటెస్టెంట్లు అయిన యానీ మాస్టర్, నటరాజ్ మాస్టర్ లలో ఒకరు ఈ వారం ఎలిమినేట్ అయ్యే అవకాశాలు ఉన్నాయని తెలుస్తోంది. అయితే బిగ్ బాస్ ఎలిమినేషన్ లో ట్విస్ట్ ఇచ్చి ఉమాదేవిని పంపించినా ఆశ్చర్యపోవాల్సిన అవసరం లేదని బిగ్ బాస్ ఫ్యాన్స్ కామెంట్స్ చేస్తున్నారు. ఉమాదేవికి ఆవేశం మైనస్ అవుతోందని నెటిజన్లు అభిప్రాయపడుతున్నారు.
ఆవేశం ఎక్కువగా ఉన్నా ప్రేక్షకులకు ఉమాదేవి వినోదం పంచుతున్నారని ఆమె అభిమానులు కామెంట్లు చేస్తున్నారు. గత సీజన్లకు భిన్నంగా బిగ్ బాస్ సీజన్ 5 ఉందని ఈ సీజన్ లో కంటెస్టెంట్ల మధ్య గొడవలు ఎక్కువగా జరుగుతున్నాయని బిగ్ బాస్ ఫ్యాన్స్ అభిప్రాయపడుతున్నారు. కొన్నిసార్లు బిగ్ బాస్ హౌస్ లో కంటెస్టెంట్ల ఆగడాలు శృతి మించుతూ హింసాత్మకం అవుతున్నాయని ప్రేక్షకుల నుంచి విమర్శలు సైతం వ్యక్తమవుతున్నాయి.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
Home