Balakrishna, Bobby: 90 రోజుల గ్యాప్ లో సినిమా.. బాలయ్య ప్లాన్ వర్కౌట్ అవుతుందా?

స్టార్ హీరో బాలకృష్ణ బాబీ కాంబినేషన్ లో ఒక సినిమా తెరకెక్కనున్న సంగతి తెలిసిందే. కొంతకాలం క్రితం వరకు బాలయ్య బోయపాటి శ్రీను కాంబినేషన్ లో ఒక సినిమా తెరకెక్కనుందని ప్రచారం జరిగినా బాలయ్య షరతులకు బోయపాటి శ్రీను అంగీకరించకపోవడంతో బాలయ్య బాబీ కాంబినేషన్ మూవీ సెట్స్ పైకి వెళ్లనుంది. బాలయ్య తన తర్వాత సినిమా కేవలం 90 రోజుల్లో పూర్తి కావాలని భావిస్తున్నారని సమాచారం. 2024 ఎన్నికల్లో బాలయ్య హిందూపురం నుంచి మళ్లీ ఎమ్మెల్యేగా పోటీ చేయనున్నారు.

ఈ ఎన్నికల ప్రచార కార్యక్రమాల్లో పాల్గొనాల్సి ఉండటం వల్ల కూడా బాలయ్య తర్వాత సినిమా షూటింగ్ ను వేగంగా పూర్తి చేయాలని భావిస్తున్నారు. అయితే వేగంగా షూటింగ్ ను పూర్తి చేయడం కొన్నిసార్లు రిజల్ట్ పై ప్రభావం పడే అవకాశం ఉంటుందే. అదే సమయంలో క్యాస్టింగ్ విషయంలో కూడా ఇబ్బందులు ఎదురవుతాయి. ఈ విషయాలను గుర్తుంచుకుని బాలయ్య తన తర్వాత ప్రాజెక్ట్ లకు సంబంధించి అడుగులు వేయాల్సి ఉంది.

బాలయ్య (Balakrishna) రెమ్యునరేషన్ 25 కోట్ల రూపాయలుగా ఉంది. సితార ఎంటర్టైన్మెంట్స్ బ్యానర్ పై భారీ బడ్జెట్ తో ఈ సినిమా తెరకెక్కుతోంది. వచ్చే ఏడాది ఫస్టాఫ్ లో ఈ సినిమా థియేటర్లలో రిలీజ్ కానుంది. 2024 ఎన్నికల తర్వాతే బాలయ్య బోయపాటి కాంబో మూవీ తెరకెక్కనుంది. వరుస విజయాలతో బాలయ్య సినిమాల లెక్కలు సైతం మారుతున్నాయి. బాలయ్యను అభిమానించే అభిమానుల సంఖ్య పెరుగుతోంది.

సోషల్ మీడియాలో కూడా బాలయ్య అంచనాలను మించి క్రేజ్ ను పెంచుకుంటున్నారు. బాలయ్యకు రాబోయే రోజుల్లో మరిన్ని భారీ విజయాలు దక్కాలని ఫ్యాన్స్ ఆకాంక్షిస్తున్నారు. బాలయ్య, తారక్ కలిసి నటిస్తే బాగుంటుందని కొంతమంది కామెంట్లు చేస్తున్నారు. బాలయ్య యంగ్ హీరోల మనస్సులను సైతం గెలుచుకుంటూ వార్తల్లో నిలుస్తున్నారు. బాలయ్య టార్గెట్ ను రీచ్ కావడం బాబీకి సాధ్యమవుతుందో లేదో చూడాల్సి ఉంది.

ప్రేక్షకులను థియేటర్ కు రప్పించిన సినిమాలు ఇవే..!
ప్రభాస్, పవన్ కళ్యాణ్ లతో పాటు అభిమానుల చివరి కోరికలు తీర్చిన స్టార్ హీరోలు!

టాలెంట్ కు లింగబేధం లేదు..మహిళా డైరక్టర్లు వీళ్లేనా?
పిల్లలను కనడానికి వయస్సు అడ్డుకాదంటున్న సినీతారలు