సౌత్ ఇండస్ట్రీలో స్టార్ హీరోయిన్ గా గుర్తింపు పొందిన శృతిహాసన్ గురించి ప్రత్యేకంగా పరిచయం చేయాల్సిన అవసరం లేదు. విశ్వనటుడు కమల్ హాసన్ కూతురు అయినప్పటికీ సొంత టాలెంట్ తో ఇండస్ట్రీలోకి అడుగుపెట్టిన శృతిహాసన్ తన అందం ,అభినయంతో ప్రేక్షకులను ఆకట్టుకుని హీరోయిన్గా మంచి గుర్తింపు పొందింది . కొంతకాలం క్రితం ప్రియుడి కోసం సినిమాలకు దూరమైన శృతిహాసన్, ఇక ఇటీవల మళ్లీ సినిమాలలో రీఎంట్రీ ఇచ్చి వరుస హిట్లు అందుకుంది.
ప్రస్తుతం కెరీర్ పరంగా శృతిహాసన్ మంచి ఫామ్ లో ఉంది. ఇదిలా ఉండగా ఈరోజు శృతిహాసన్ పుట్టినరోజు. ఈ రోజుతో శృతిహాసన్ 35 సంవత్సరాలు పూర్తి చేసుకుని 36లోకి అడుగుపెడుతోంది. ఈ క్రమంలో పుట్టినరోజున ఉదయమే బెడ్ పై నిద్రలేస్తూ దిగిన సెల్ఫీలు సోషల్ మీడియాలో పోస్ట్ చేసింది. ఇలా శృతిహాసన్ పుట్టినరోజు నాడు ఫోటోలు షేర్ చేస్తూ “ప్రతి పుట్టిన రోజుకు క్యాండిల్స్ ఆర్పి తన కోరికలు నెరవేరాలని మనసులో కోరుకుంటాను.
ఈ ఏడాది అందరూ తమ కోరికలు నెరవేర్చుకోవాలని, లక్ష్యాలు చేరుకోవాలని కోరుకుంటాను. నా మంచి కోరుకునే స్వచ్ఛమైన మనసున్న వారందరికీ నా ధన్యవాదాలు అంటూ… శృతి హాసన్ రాసుకొచింది. శృతిహాసన్ పుట్టినరోజు సందర్భంగా సెలబ్రిటీలతో పాటు ఆమె అభిమానులు కూడా శుభాకాంక్షలు తెలియజేస్తున్నారు. ఒకప్పుడు స్టార్ హీరోయిన్ గా వరుస సినిమాలలో నటించిన శృతిహాసన్ మధ్యలో గ్యాప్ తీసుకుని మళ్లీ రీఎంట్రీ ఇచ్చింది. రవితేజ సరసన క్రాక్ సినిమాలో నటించి గ్రాండ్ ఎంట్రీ ఇచ్చింది.
ఇక ఇటీవల చిరంజీవి, బాలకృష్ణ సరసన నటించి రెండు బ్లాక్ బస్టర్ హిట్స్ అందుకుని ఈ ఏడాదిని సంతోషంగా ప్రారంభించింది. ఇక ప్రస్తుతం ప్రభాస్ హీరోగా ప్రశాంత్ నీల్ దర్శకత్వంలో తెరకెక్కుతున్న సలార్ సినిమాలో హీరోయిన్ గా అవకాశం దక్కించుకుంది. ప్రస్తుతం ఈ సినిమా షూటింగ్ పనులలో శృతిహాసన్ బిజీగా ఉంది. శృతిహాసన్ ప్రభాస్ తో కలిసి మొట్టమొదటిసారిగా పాన్ ఇండియా సినిమాలో నటిస్తోంది. ఈ సినిమా హిట్ అయితే శృతిహాసన్ క్రేజ్ పాన్ ఇండియా లెవెల్లో పెరిగిపోతుంది.
హంట్ సినిమా రివ్యూ & రేటింగ్!
పఠాన్ సినిమా రివ్యూ & రేటింగ్!
సౌందర్య టు శృతి హాసన్.. సంక్రాంతికి రెండేసి సినిమాలతో పలకరించిన హీరోయిన్ల లిస్ట్..!
అతి తక్కువ రోజుల్లో వంద కోట్లు కొల్లగొట్టిన 10 తెలుగు సినిమాలు!
