శృతి హాసన్ ని బూతు మెసేజ్‌ల‌తో వేదించిన డాక్ట‌ర్‌

మల్టీ ట్యాలెంటెడ్ బ్యూటీ శృతి హాసన్ కి పోకిరీలతో ఇబ్బందులు తప్పడం లేదు. మూడేళ్ళ క్రితం తన అపార్ట్ మెంట్ లోకి వచ్చిన ఓ ఆకతాయి గురించి మరిచిపోతున్న తరుణంలో మరో ఇడియట్ ఆమెకు నిద్ర లేకుండా చేస్తున్నాడు. అభిమానిని అంటూ ట్విట్టర్లో శృతికి పరిచయమైన ఓ వ్యక్తి కొత్తల్లో జెంటిల్ మ్యాన్ గా ప్రవర్తించినా, రాను రాను లోఫర్ వేషాలు వెయ్యడం మొదలు పెట్టాడు. చివరికి అసభ్యకర పదాలతో మెసేజ్ లు చేస్తుండడంతో శృతి చెన్నై పోలీసులను ఆశ్రయించింది.

గురుప్ర‌సాద్ కె.జి అనే క‌ర్నాట‌కకు చెందిన ఓ డాక్ట‌రు త‌న‌ని బూతు మెసేజ్‌ల‌తో వేధిస్తున్నాడని  బుధ‌వారం స్టేషన్లో ఫిర్యాదు చేసింది. అత‌డు తన పర్సనల్, ఫ్యామిలీ విషయాలపై నీచంగా మాట్లాడాడని, పోలీసులకు చెబితే చంపేస్తానని బెదిరించిన మెసేజ్ లను శృతి పోలీసులకు చూపించింది. ఈ కేసు ని పోలీసులు సీరియస్ గా తీసుకుని ద‌ర్యాప్తు మొదలెట్టారు. ప్రస్తుతం శృతిహాసన్ కాటమరాయుడు సినిమాలో పవన్ కళ్యాణ్ సరసన నటిస్తోంది. ఆమె నటించిన సింగం 3 విడుదలకు సిద్ధమవుతోంది.