పవర్ స్టార్ పవన్ కళ్యాణ్ నటిస్తున్న ‘వకీల్ సాబ్’ చిత్రం ఇప్పటికే చాలా వరకూ షూటింగ్ ను పూర్తిచేసుకుంది. మరికొంత భాగం మిగిలి ఉంది. కీలకమైన కొన్ని కోర్టు సీన్లతో పాటు పవన్ కళ్యాణ్ పై ఓ ఫ్లాష్ బ్యాక్ ఎపిసోడ్ ను కూడా చిత్రీకరించాల్సి ఉంది. ఈ ఎపిసోడ్ లో పవన్ కళ్యాణ్ సరసన హీరోయిన్ ఉండాలట. మొదటి నుండీ కొంతమంది పేర్లను పరిశీలించినప్పటికీ వారు ఇంట్రెస్ట్ చూపించలేదని తెలుస్తుంది. వారు ఒప్పుకోకపోవడానికి ముఖ్య కారణం.. ఆ పాత్ర నిడివి ఎక్కువ సేపు ఉండకపోవడం.. అలాగే ఆశించినంత పారితోషికం కూడా నిర్మాతలు ఆఫర్ చేయకపోవడమే అని టాక్.
ఇదిలా ఉండగా ఎట్టకేలకు.. హీరోయిన్ ను ఫైనల్ చేశారనేది తాజా సమాచారం. లావణ్య త్రిపాఠి, శృతీ హాసన్ లను ఈ మధ్యనే దర్శక నిర్మాతలు సంప్రదించారట. వీరి మొదటి ఛాయిస్ శృతీ హాసనే.. ఒక వేళ ఆమె నో చెబితే లావణ్య ను తీసుకుందాం అని భావించి ఇద్దరినీ సంప్రదించారట. ఈ క్రమంలో శృతీ హాసన్ ఓకే చెప్పేసినట్టు తాజా సమాచారం. గతంలో పవన్ తో ‘గబ్బర్ సింగ్’ ‘కాటమరాయుడు’ వంటి చిత్రాల్లో నటించింది శృతీ హాసన్. ఆ చిత్రాల్లో వీరి పెయిర్ స్పెషల్ అట్రాక్షన్ అయ్యింది. ఇక దీనికి సంబంధించిన అధికారిక ప్రకటన త్వరలో రానుందని ఫిలింనగర్ టాక్.
Most Recommended Video
నిర్మాతలుగా కూడా సత్తా చాటుతున్న టాలీవుడ్ హీరోలు
మోస్ట్ డిజైరబుల్ విమెన్ 2019 లిస్ట్
టైమ్స్ మోస్ట్ డిజైరబుల్ మెన్ 2019 లిస్ట్
సొంత మరదళ్ళను పెళ్లాడిన టాప్ స్టార్స్
