Shruti Hassan, Kamal Hassan: శృతి హాసన్ కు ఇష్టమైన వ్యక్తి ఎవరంటే?

టాలీవుడ్ స్టార్ హీరోయిన్లలో ఒకరైన శృతిహాసన్ తాజాగా తన తండ్రి గురించి ఆసక్తికర విషయాలను వెల్లడించారు. కమల్ హాసన్ కూతురుగా సినిమా రంగంలోకి అడుగుపెట్టిన శృతిహాసన్ తక్కువ సమయంలో స్టార్ హీరోయిన్ స్టేటస్ ను సొంతం చేసుకుని టాలీవుడ్ బిజీ హీరోయిన్లలో ఒకరిగా మారిపోయారు. గబ్బర్ సింగ్ తో శృతి తెలుగులో తొలి బ్లాక్ బస్టర్ హిట్ అందుకోగా ఆ తర్వాత శృతి నటించిన సినిమాలలో ఎక్కువ సినిమాలు హిట్ రిజల్ట్ ను అందుకున్నాయి.

తమిళంలో, బాలీవుడ్ లో కూడా శృతిహాసన్ సినిమాల్లో నటించడంతో పాటు బ్లాక్ బస్టర్ హిట్లను అందుకున్నారు. ఈ ఏడాది క్రాక్ సినిమాతో తెలుగులో శృతి హాసన్ సక్సెస్ ట్రాక్ లోకి వచ్చారు. పాన్ ఇండియా హీరో ప్రభాస్ తో ప్రస్తుతం శృతిహాసన్ సలార్ సినిమాలో నటిస్తున్నారు. పొడుగుకాళ్ల సుందరిగా పేరు తెచ్చుకున్న శృతిహాసన్ తాజాగా తన తండ్రితో దిగిన ఫోటోలను సోషల్ మీడియాలో షేర్ చేస్తూ కమల్ హాసన్ తన తండ్రి మాత్రమే కాదని ఫేవరెట్ హ్యూమన్ అని చెప్పుకొచ్చారు.

శృతి హాసన్ తండ్రి కమల్ గురించి గొప్పగా చెబుతూ చేసిన కామెంట్స్ తెగ వైరల్ అవుతున్నాయి. ముక్కుసూటి అమ్మాయిగా పేరు తెచ్చుకున్న శృతిహాసన్ మనస్సులో ఏ విషయాన్ని దాచుకోకుండా కుండ బద్ధలుగొట్టినట్టుగా చెబుతారు. శృతి సోషల్ మీడియాలో యాక్టివ్ గా ఉండటంతో పాటు ఫాలోవర్లతో ముచ్చటిస్తూ వాళ్లతో తనకు సంబంధించిన ఆసక్తికర విషయాలను పంచుకుంటున్నారు. సలార్ సక్సెస్ సాధిస్తే శృతికి ఆఫర్లు పెరిగే అవకాశం ఉంది.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!