స్టార్ హీరో ప్రభాస్ (Prabhas) పెళ్లి గురించి గత 15 సంవత్సరాలుగా ఇండస్ట్రీ వర్గాల్లో చర్చ జరుగుతోంది. ప్రభాస్ తో పాటు సినిమాల్లోకి ఎంట్రీ ఇచ్చిన చాలామంది హీరోలు చాలా సంవత్సరాల క్రితమే పెళ్లి చేసుకుని తమ పిల్లల విషయంలో కేర్ తీసుకుంటున్నారు. అయితే ప్రభాస్ మాత్రం పెళ్లికి దూరంగా ఉండటానికి కారణమేంటనే ప్రశ్నకు ఎవరి దగ్గరా సమాధానం లేదు. శ్యామలాదేవి తాజాగా మరోసారి ప్రభాస్ పెళ్లి గురించి స్పందించారు. తాజాగా శ్యామలాదేవి బెజవాడ కనకదుర్గమ్మను దర్శించుకున్నారు.
శ్యామలాదేవి మీడియాతో మాట్లాడుతూ ప్రభాస్ పెళ్లిరోజు త్వరలోనే రానుందని చెప్పుకొచ్చారు. ప్రభాస్ పై అమ్మవారి ఆశీస్సులతో పాటు పెదనాన్న కృష్ణంరాజు (Krishnam Raju) గారి ఆశీస్సులు ఎల్లప్పుడూ ఉంటాయని శ్యామలాదేవి చెప్పుకొచ్చారు. 2025లో ప్రభాస్ పెళ్లి కచ్చితంగా జరుగుతుందని శ్యామలాదేవి పరోక్షంగా కామెంట్లు చేయడం గమనార్హం. శ్యామలాదేవి క్లారిటీతో ప్రభాస్ ఫ్యాన్స్ సంతోషిస్తున్నారు. సినీ కెరీర్ పరంగా టాప్ లో ఉన్న ప్రభాస్ రాబోయే రోజుల్లో మరిన్ని భారీ విజయాలను అందుకోవాలని ఫ్యాన్స్ కోరుకుంటున్నారు.
ప్రభాస్ ది రాజాసాబ్ (The Rajasaab) నైజాం హక్కులు మైత్రీ మూవీ మేకర్స్ సొంతమయ్యాయని ఇండస్ట్రీ వర్గాల్లో జోరుగా వినిపిస్తుండటం గమనార్హం. ఈ ప్రచారంలో నిజానిజాలు తెలియాల్సి ఉంది. వరుస విజయాలతో ప్రభాస్ సినిమాలకు ఊహించని స్థాయిలో డిమాండ్ నెలకొంది. ప్రభాస్ బ్యాక్ టు బ్యాక్ సినిమాలతో బిజీగా ఉండటం అభిమానులకు ఎంతో సంతోషాన్ని కలిగిస్తోంది. ప్రభాస్ 100 కోట్ల రూపాయల రేంజ్ లో రెమ్యునరేషన్ అందుకుంటున్నారు.
సినిమాను బట్టి ప్రభాస్ రెమ్యునరేషన్ మారుతోందని కామెంట్లు వ్యక్తమవుతూ ఉండటం గమనార్హం. ది రాజాసాబ్ సినిమా బిజినెస్ పరంగా సంచలనాలు సృష్టించడం పక్కా అని చెప్పవచ్చు. దర్శకుడు మారుతి (Maruthi Dasari) ఈ సినిమాతో కచ్చితంగా మ్యాజిక్ చేస్తారేమో చూడాలి. ప్రభాస్ ఖాతాలో చేరుతున్న రికార్డులను చూసిన అభిమానుల ఆనందానికి అవధులు లేకుండా పోయాయి.
