Dj Tillu 2: అంచనాలకు మించి ‘డీజే టిల్లు2’ ఉంటుందా..?

June 27, 2022 / 11:15 AM ISTByFilmy Focus

Join Us

Dj Tillu 2: అంచనాలకు మించి ‘డీజే టిల్లు2’ ఉంటుందా..?

ఈ ఏడాది విడుదలైన సినిమాల్లో భారీ విజయాన్ని అందుకున్న సినిమా ‘డీజే టిల్లు’. పెట్టిన పెట్టుబడికి కొన్ని రెట్ల లాభాన్ని తెచ్చిపెట్టింది ఈ సినిమా. నిజానికి ఈ సినిమాకి రివ్యూలన్నీ మిక్స్డ్ గా వచ్చాయి. అయినా.. ఈ సినిమా నెగెటివిటీని అధిగమించి బ్లాక్ బస్టర్ అయింది. యూత్ కి ఈ సినిమాలో డీజే టిల్లు క్యారెక్టర్ ఓ రేంజ్ లో కనెక్ట్ అయింది. దీంతో సిద్ధూ జొన్నలగడ్డ క్రేజ్ పెరిగిపోయింది.

యూట్యూబ్ షార్ట్స్, ఇన్స్టాగ్రామ్ రీల్స్ లో డీజే టిల్లు ప్రభంజనం గురించి ఎంత చెప్పుకున్నా తక్కువే. ఈ సినిమా క్యారెక్టర్ రీచ్ చూసి సిద్ధూ అండ్ కో ఈ సినిమాకి సీక్వెల్ చేయడానికి రెడీ అయిపోయింది. దీనికోసం సిద్ధూ కొన్ని కఠినమైన నిర్ణయాలు కూడా తీసుకున్నారు. టిల్లు క్యారెక్టర్ తరువాత మరే పాత్ర చేసినా.. జనాలకు ఆనదేమోనని.. ఆ హ్యాంగోవర్ ను కంటిన్యూ చేయాలనుకుంటున్నారు. మళ్లీ టిల్లు పాత్రతోనే వాళ్లను పలకరించాలని నిర్ణయించుకున్నారు.

అందుకే ‘కప్పెల’ రీమేక్ తో పాటు తాను ఒప్పుకున్నా మరో సినిమాను కూడా వదులుకున్నారు. ఈ క్రమంలో ఆయా సినిమా టీమ్స్ నుంచి అభ్యంతరాలు వ్యక్తమైనా తగ్గలేదు. ప్రస్తుతం తన దృష్టి మొత్తం ‘డీజే టిల్లు2’ మీదే పెట్టారు. మొత్తానికి స్క్రిప్ట్ వర్క్ ను పూర్తి చేశారు. త్వరలోనే షూటింగ్ మొదలుపెట్టబోతున్నారు. అయితే ఈ సినిమాపై అంచనాలు పెరిగిపోతున్న నేపథ్యంలో వాటిని అందుకోవడం సిద్ధూకి అంత ఈజీ కాదు.

ఎలాంటి అంచనాలు లేకుండా వచ్చిన ‘డీజే టిల్లు’ మంచి హిట్ అయింది. కానీ ఈసారి చాలా అంచనాలతో ప్రేక్షకులు థియేటర్ కు వెళ్తారు. వారిని సంతృప్తి పరచడం సులువైన పనేమీ కాదు. సిద్ధూ అండ్ టీమ్ కి ఇది పెద్ద టాస్క్ అనే చెప్పాలి. ఈ ప్రెజర్ కచ్చితంగా సిద్ధూపై ఉంటుంది. మరి ఈ ప్రెజర్ ను దాటుకొని సిద్ధూ ఎలాంటి సినిమాను డెలివర్ చేస్తారో చూడాలి!