Simha Movie: బాలయ్య – బోయపాటిల బ్లాక్ బస్టర్ ‘సింహా’ రీ రిలీజ్ ఎప్పుడంటే..?

2004 సంక్రాంతికి ‘లక్ష్మీ నరసింహ’ మూవీతో సూపర్ హిట్ కొట్టిన నటసింహ నందమూరి బాలకృష్ణ.. ఆ తర్వాత వరుస ఫ్లాపులతో సతమతమయ్యారు.. మధ్యలో పర్సనల్ ఇష్యూస్, సినిమాల మీద సరైన ఫోకస్ పెట్టలేకపోవడం.. కష్టపడి చేసిన ఏ చిత్రం కూడా అంచనాలను అందుకోలేకపోవడంతో అభిమానులు కూడా తీవ్ర నిరాశలో ఉన్న సమయం.. బాలయ్య కొత్త సినిమా రిలీజ్ అంటే.. ‘పోతుంది’ అని ఫిక్స్ అయిపోయే బ్యాడ్ సిట్యువేషన్.. దాదాపు ‘మిత్రుడు’ (2009) వరకు అన్నీ ఒకదాన్ని మించిన ఫ్లాప్ మరొకటి..

సరిగ్గా అదే సమయంలో.. ఏప్రిల్ 30న ఓ మాదిరి అంచనాలతో థియేటర్లలోకి వచ్చింది ‘సింహా’.. ఓ అభిమానిగా బాలయ్యని తాను ఎలా చూపించాలనుకుంటున్నాడో, నందమూరి అభిమానులు బాలయ్య బాబుని ఎలా చూడాలనుకుంటున్నారో అలా చూపించి.. ‘లయన్ ఈజ్ బ్యాక్’ అనిపించాడు ఊరమాస్ డైరెక్టర్ బోయపాటి శ్రీను.. దర్శకుడిగా ‘భద్ర’, ‘తులసి’ వంటి హిట్స్ తర్వాత హ్యాట్రిక్ కొట్టడమే కాక.. బాలయ్యకి సాలిడ్ కమ్ బ్యాక్ ఇచ్చాడు.. బాక్సాఫీస్ బరిలో బాలయ్య ‘సింహా’ గా జూలు విదిలిస్తే ఎలా ఉంటుందో చూపించాడు..

బాలయ్య కెరీర్ ‘సింహా’ కి ముందు, తర్వాత అనేంతగా ఇంపాక్ట్ క్రియేట్ చేసిందీ చిత్రం.. కేవలం బాలయ్య ఫ్యామిలీ, ఫ్యాన్స్ మాత్రమే కాదు.. బాలయ్య హిట్ కొడితే పరిశ్రమ అంతా హ్యాపీగా ఫీలయింది.. ‘లెజెండ్’, ‘అఖండ’ తో ఒకదాన్ని మించి మరోటి బిగ్గెస్ట్ బ్లాక్ బస్టర్ హిట్స్ కొట్టారు బాలయ్య అండ్ బోయపాటి.. ప్రస్తుతం టాలీవుడ్‌లో రీ రిలీజ్‌ల ట్రెండ్ నడుస్తున్న సంగతి తెెలిసిందే. త్వరలో నటసింహ ‘సింహా’ మూవీ కూడా రీ రిలీజ్‌కి రెడీ అవుతోందనే న్యూస్ సోషల్ మీడియాలో వైరల్ అవుతోంది..

4K క్వాలిటీ, డీటీఎస్ వంటి లేటెస్ట్ టెక్నాలజీతో ప్రేక్షకాభిమానుల ముందుకు తీసుకురానున్నారు.. ప్రస్తుతం పరీక్షల సీజన్ కాబట్టి.. ఈ ఏప్రిల్ నాటికి 13 సంవత్సరాలు పూర్తి చేసుకుంటున్న సందర్భంలో లేదా వీలైతే మార్చి నెలలోనే రీ రిలీజ్‌‌కి సన్నాహాలు చేస్తున్నారు.. పూర్తి వివరాలు త్వరలో తెలియనున్నాయి..

ఫస్ట్‌డే కోట్లాది రూపాయల కలెక్షన్స్ కొల్లగొట్టిన 10 మంది ఇండియన్ హీరోలు వీళ్లే..!
ఆరడగులు, అంతకంటే హైట్ ఉన్న 10 మంది స్టార్స్ వీళ్లే..!

స్టార్స్ కి ఫాన్స్ గా… కనిపించిన 11 మంది స్టార్లు వీళ్ళే
ట్విట్టర్ టాప్ టెన్ ట్రెండింగ్‌లో ఉన్న పదిమంది సౌత్ హీరోలు వీళ్లే..!