భార్యాభర్తల మధ్య జరుగుతున్న ఓ చర్చలోకి ఇతరులు రాకూడదు. అలాగే ఇతరులను లాగకూడదు కూడా. ఒకవేళ వెళ్తే వాళ్లకు గూబ గుయ్‌ మంటుంది. అలాగే ఒకవేళ లాగితే లాగినోళ్లకు చెంప చెళ్లుమనే పరిస్థితి వస్తుంది. ఇప్పుడు కోలీవుడ్‌లో అలాంటి పరిస్థితే ఉంది అని అంటున్నారు. ఎందుకంటే లేటెస్ట్‌ డిస్కషన్‌ టాపిక్‌ జయం రవి (Jayam Ravi) విడాకుల విషయంలో పెద్ద ఎత్తున చర్చ జరుగుతున్నప్పుడు ప్రముఖ గాయని కెనిసా (Kenishaa) పేరు ప్రస్తావనకు వచ్చింది.
తన భార్య ఆర్తితో విడిపోతున్నట్లు జయం రవి ఇటీవల సోషల్ మీడియా వేదికగా ప్రకటించాడు. తన అనుమతి లేకుండానే విడాకులు ప్రకటించారని.. భార్య ఆర్తి సోషల్ మీడియాలో ఓ పోస్టు పెట్టారు. ఈ క్రమంలో ఓ సింగర్‌తో జయం రవి రిలేషన్ షిప్లో ఉన్నాడంటూ రూమర్స్ మొదలయ్యాయి. ఈ మేరకు కొన్ని ఫొటోలు కూడా సోషల్ మీడియాలో వైరల్ అయ్యాయి. తాజాగా వీటిపై ఆ సింగర్ రియాక్ట్ అయ్యారు.
తన గురించి వస్తున్న రూమర్స్ అవాస్తవమని చెప్పిన జయం రవి.. పర్సనల్ లైఫ్‌ని పర్సనల్ లైఫ్ గానే చూడాలని, అందులోకి మరొకరి తీసుకురావద్దంటూ రిక్వెస్ట్ చేశాడు. తాజాగా సింగర్ కెనీషా (Kenishaa) కూడా ఈ విషయంలో రియాక్ట్ అయ్యింది. ఈ విషయం గురించి తాను మాట్లాడనని, ఇతరుల సమస్యలను మీవిగా తీసుకోవద్దు అని వినయపూర్వకంగా అభ్యర్థనను చేస్తున్నట్లు కెనీషా చెప్పింది.
దయచేసి ఈ విషయానికి దూరంగా ఉండండి. ఇది మీ ఇంటి సమస్య కాదు, మరొకరిది. ఈ విషయంలో ఒక అభిప్రాయానికి రావడానికి అర్హులు కాదు. నేను చేయాల్సిన పనులు చాలా ఉన్నాయి అని కెనీషా సోషల్ మీడియాలో ఓ పోస్టు పెట్టింది. ఈ క్రమంలో కొంతమంది నెటిజన్లు అభ్యంతరకర కామెంట్లు చేయడంతో కెనీషా స్ట్రాంగ్‌ కౌంటరే ఇచ్చింది. ఇదిలా ఉండగా జయం రవి తన భార్య ఆర్తిపై పోలీసులకు ఫిర్యాదు చేశాడు. తన ఇంట్లో ఉన్న వస్తువులను తిరిగి ఇప్పించాలని ఫిర్యాదులో పేర్కొన్నాడు.
Home
