తేజ డైరెక్షన్లో వచ్చిన ‘1000 అబద్దాలు’ చిత్రంతో హీరోయిన్ గా పరిచయమైంది ఎస్తేర్. ఆ తరువాత సునీల్ హీరోగా వచ్చిన ‘భీమవరం బుల్లోడు’ చిత్రంలో కూడా హీరోయిన్ గా నటించింది. ఈమె గతేడాది ప్రముఖ నటుడు, ర్యాపర్, సింగర్ అయిన నోయల్ ను పెళ్లి చేసుకున్న సంగతి తెలిసిందే. అయితే ఏడాది తిరగకుండానే విడాకులు తీసుకోవడానికి రెడీ అవ్వడం అందరినీ షాక్ కు గురిచేసింది. ఈ విషయం వీరిద్దరూ వారి వారి సోషల్ మీడియా అకౌంట్ ల ద్వారా క్లారిటీ ఇచ్చారు :
ఎస్తేర్ తన సోషల్ మీడియా ద్వారా స్పందిస్తూ.. “ఏడాదిగా నన్ను చాలా మంది అడిగిన ప్రశ్నలకు సమాధానం చెప్పాల్సిన టైం వచ్చేసింది. లీగల్‌గా క్లారిటీ వచ్చేవరకూ ఎదురుచూశాను.. ఇప్పుడు చెప్తున్నాను. మేము అధికారికంగానే విడాకులు తీసుకున్నాము. 2019 జనవరి 3న నోయల్, నేను పెళ్లి చేసుకున్నాము. అయితే కొద్ది రోజులకే మా ఇద్దరి మధ్య మనస్పర్థలు సంభవించాయి.అందుకే అప్పటి నుండీ దూరంగా ఉంటూ వచ్చాము. 2019 జూన్‌ లోనే విడాకులకు అప్లై చేసాం. అనేక వాయిదాల తరువాత కోర్టు నిన్న తీర్పు ఇచ్చింది. నేను ఎందుకు విడాకులు తీసుకోవాలనుకుంటున్నానో మీరంతా అర్థం చేసుకుంటారని భావిస్తున్నా. మీ సపోర్ట్ నాకు ఉంటుందని కూడా ఆశిస్తున్నాను! రిలేషన్ షిప్ ను నిలబెట్టుకోవడం చాలా కష్టమని అందరికీ తెలుసు. మా రిలేషన్ పై ఇదే నా క్లారిటీ. మనం మనుషులం కాబట్టి… జీవితంలో ఎన్నో ఒడిదుడుకులు ఎదుర్కోవాల్సి వస్తుంది. దయచేసి ఈ విషయాన్ని ఇక్కడితో వదిలేస్తారని కోరుకుంటున్నాను. ఇంటర్వ్యూలలో మా పెళ్లి గురించి ప్రశ్నలు వెయ్యకండి… కామెంట్స్ చెయ్యకండి.. మీ ప్రేమ, మీ ఆధరణ ఎప్పటికీ నాతో ఉండాలని కోరుకుంటున్నాను.. థాంక్యూ’ అంటూ చెప్పుకొచ్చింది.
ఇక నోయల్.. “నేను అఫీషియల్‌గా విడాకులు తీసుకున్నాను. ఎస్తేర్‌కి మంచి భవిష్యత్ ఉండాలని ఆశిస్తున్నాను.. గాడ్ బ్లెస్ యు. పెళ్లైన కొద్దిరోజులకే మేము విడిపోయాం. అయితే ఈ విషయాన్ని పబ్లిక్‌గా చెప్పడానికి..కోర్టు తీర్పు వచ్చే వరకూ ఎదురుచూడాలని భావించాం. మనస్పర్థలు రావడం వల్లే విడాకులకు అప్లై చేశాం. ఈ విషయంలో.. ఎస్తేర్‌ను గానీ, నా కుటుంబాన్నిగానీ ఇబ్బంది పెట్టొద్దని కోరుతున్నాను. నేను బాధలో ఉన్నప్పుడు నా వైపుగా ఉన్న నా ఫ్యామిలీ, ఫ్రెండ్స్‌కి థాంక్స్.. ఎస్తేర్ నీ కలలు నిజం కావాలని కోరుకుంటున్నాను.. కొత్త జీవితం ప్రారంభించడానికి ఇదే మంచి సమయం అని భావిస్తున్నాను” అంటూ తన సోషల్ మీడియాలో పేర్కొన్నాడు.
1
2
3
4
5
6
7
8
9
10
11
12
Most Recommended Video
34 ఏళ్ళ సినీ కెరీర్ లో ‘కింగ్’ నాగార్జున రిజెక్ట్ చేసిన సినిమాల లిస్ట్..!
మెగాస్టార్ చిరంజీవి కెరీర్లో ఆగిపోయిన సినిమాల లిస్ట్..!
సౌత్ లో అత్యధిక పారితోకం అందుకునే సంగీత దర్శకులు వీరే!
