Chiranjeevi: చిరుకి సర్జరీ.. అసలు కథ ఇది

అల్లు శిరీష్ వివాహం సందర్భంగా మొదటి శుభలేఖని మెగాస్టార్ చిరంజీవి దంపతులకి అందజేశారు. దీనికి సంబంధించిన ఫోటో కూడా బయటకు వచ్చింది. ఆ ఫోటో పెద్ద ఎత్తున హాట్ టాపిక్ అయ్యింది. ఎందుకంటే ఈ ఫోటోలో చిరంజీవి చేతికి షోల్డర్ బ్యాగ్ ఉంది. ఇది చూసిన మెగా అభిమానులు కంగారు పడుతూ సోషల్ మీడియాలో కామెంట్లు పెడుతున్నారు. దీంతో చిరంజీవి తన పీఆర్ టీం ద్వారా అసలు విషయం రివీల్ చేసి క్లారిటీ ఇచ్చారు.

Chiranjeevi

‘నా చేతికి ఉన్న పట్టీని చూసి అభిమానులు కంగారు పడుతున్నారు. శ్రేయోభిలాషులు నాకు ఫోన్లు చేసి ఆరా తీస్తున్నారు. కంగారు పడాల్సిన పనిలేదు. నా భుజానికి చిన్న కీ-హోల్ సర్జరీ జరిగింది. ప్రస్తుతం బాగానే ఉన్నాను. ఆర్దోస్కోపీ సర్జన్ డాక్టర్ నితిన్ కు నా హృదయపూర్వక కృతజ్ఞతలు తెలుపుకుంటున్నాను. ఎంతో జాగ్రత్తతో తన నైపుణ్యంతో అంతా సక్రమంగా జరిగేలా చూశారు.

మీరంతా నాపై చూపిస్తున్న ప్రేమ, అభిమానానికి ధన్యవాదాలు తెలుపుకుంటున్నాను’ అంటూ ఓ నోట్ వదిలారు. చేతికి పట్టీ ఉన్నప్పటికీ కూడా బ్లడ్ బ్యాంక్ కి వెళ్లి మరీ చిరంజీవి అభిమానులకు ఫోటోలు ఇచ్చారు.ఆ టైంలో చేతికి ఉన్న పట్టీని తీసేసి మరీ ఆయన అభిమానులకి ఫోటోలు ఇవ్వడం విశేషంగా చెప్పుకోవాలి.ఇక ఈ మధ్యనే ‘మన శంకర వరప్రసాద్ గారు’ తో బిగ్గెస్ట్ బ్లాక్ బస్టర్ అందుకున్నారు చిరు.

తర్వాత రామ్ చరణ్ కి ట్విన్స్ పుట్టడంతో మరింత ఆనందంలో మునిగిపోయారు. బారసాల వేడుక జరిగిన అనంతరం చిరు సర్జరీ చేయించుకున్నట్టు స్పష్టమవుతుంది.

‘అత్తారింటికి దారేది’ ఇండస్ట్రీ హిట్ అయ్యింది అని ఉదయ్ కిరణ్ చాలా హ్యాపీగా ఫీలయ్యాడు : వి.ఎన్.ఆదిత్య